الأخبار المحليةالهلال

رئيس الهلال بعد عودة هوساوي إلى السعودية : فاوضنا هوساوي ولكن 36 مليون حالت دون عودته إلى الهلال .. وفي المؤتمر الصحفي اطلق وعود انه لن يلعب لغير الهلال في السعودية

أوضح الأمير عبدالرحمن بن مساعد رئيس نادي الهلال عبر صفحته على التويتر قبل قليل أن حديثه السابق عن اللاعب أسامة هوساوي الذي أكد فيه انه لن يلعب لغير الهلال في السعودية ، كان بناء على الوعود التي اطلاقها هوساوي في وقت سابق حيث قال رئيس الهلال ” فعلا انا قلت ذلك على كلام أسامه نفسه لي ” ، وهو الأمر الذي ذكره في المؤتمر الصحفي الذي تناقلته وسائل الإعلام المقروءة والمسموعة والمرئية ، حيث ان كل التأكيدات كانت تتجه نحو العودة للهلال وذلك نظير قوة العرض الهلالي المجزئ حسب قول  هوساوي في المؤتمر الصحفي السابق ورغبته في الاحتراف الخارجي في ذلك الوقت .

وكشف الأمير عبدالرحمن بن مساعد ان أحد أعضاء شرف الهلال قد اتصل به في الفترة الماضية فور علم الإدارة بنية هوساوي فك العقد الذي يربطه مع نادي اندرلخت البلجيكي ، حيث كان طلبه يتمثل بعقد لا يقل عن ثلاث سنوات ونصف وان لديه عرض بـ 8 ملايين ريال في السنة الواحدة وغير ما سيطلبه النادي البلجيكي ، مؤكدا ان اللاعب طلب من عضو الشرف الاتجاه إلى وكيل اعماله بهذا الشأن ، وهو الأمر الذي جعل الرئيس الهلالي يتجه لموكله الذي أوضح ان نادي اندرلخت البلجيكي لن يتنازل عن هوساوي إلا بمليون ونصف مليون يورو ، حيث قال رئيس الهلال ” بعدها علمنا ان عودة هوساوي غير ممكنة لانها تتجاوز المبلغ المناسب له وكذلك تتجاوز امكانيات النادي والتزاماته حيث مجمل الصفقة 36 مليون تقريباً يدفع منها 16 مليون كمقدم عقد أسامة ومبلغ اندرلخت البلجيكي. “

مقالات ذات صلة

‫35 تعليقات

  1. انا اتحادي لكن برافو يا سمو الامير والله مايستاهلون المبالغ هذي اي لاعب سعودي راس ماله بالسنه 3 مليون وكثيره عليه الله يوفق الهلال بالسياسه هذي لاترفعون رؤوس اللاعبيين وهم مايقدمون شي خيالي لاعبيين عادييين الهلال كله نجوم فليرحل هوساوي وغيره الهلال منبع العمالقه

    1. للاسف ادارة الهلال مفلسة ولا تستطيع المحافظة على نجومها
      وقضية انها محددة سقف ( 5 ) ملايين في السنة فهذا الفشل بعينه
      معنى هذا الكلام ان كل نجوم الهلال الباقين ما راح يوقعون للهلال
      لان ادارة الهلال مفلسة وفقرانة ما تقدر تدفع اكثر من ( 5 ) مليون
      لذلك الفريدي ترك عرضكم الخايس والفقير
      وراح لعرض الاتحاد الي يبيض الوجه
      ………….

    2. هذا الكلام الصحيح… واللي المفروض كل هلالي يعرف ان الأمير ليس بخلاً على النادي وانما رؤيته ان اللاعبين السعوديين لايصلون لهذه الأرقام الخيالية

  2. ضربتين في الراس توجع ياهلال
    دفتم لمانقا باليورو وهو مقلب كان دفعتموها لابن النادي

  3. يا عبدالرحمن بن مساعد والنعم فيك والنعم في اصلك

    الرجاء منك انك تبارك للاهلي الصفقة وكل سنة وانتا طيب

  4. بالعربي اللاعب يبغا فلوووس ياسمو الأمير مايحتاج انك تتشحد تبغا لاعبين ادفع فلوس الهلال ليس للأستثمار جاء البلوي وبحفر قبوركم وبيدق اخر مسمار في نعشكم

  5. والله مالقاها الا هاللاعبين على ايش هالمبالغ ؟؟؟؟؟؟؟؟؟؟؟؟؟؟؟؟؟؟؟؟؟

    الحين اسامه هوساوي فشل في اول تجربة احترافية وصار في الاحتياطي الثالث ومع كذا يطلب 8 مليون في السنة وعمره فوق 28 ؟؟؟؟؟؟؟

    فعلا رزق الهبل على المجانين

    وانا والله كنت اقول اكبر غلطه يرجع هوساوي للهلال لأنه بيطالب بمبالغ كبيره وعمره الان مو صغير

    واقول للأهلي ليتكم ماستعجلتوا اسامه اسم لايوازي هذي الملايين ولا اي لاعب سعودي يستحق هالملايين

    اللي يسمع بالمبالغ هذي يقول ماشاء الله مسيطرين على اسياء منتخبات وفرق

    هذا وتصنيفنا في اخر الدنيا ولاعبيننا مايبون الا من فوق 6 مليون

  6. وليه زعلاااااان اسامه رافض اللعب لكم ولابد تحترم رغبة اللاعب وهو حر ولاننسى ان اسامه انتقل من اندرلخت البلجيكي الى فريق سعودي سفير الوطن وليس من الهلال يعني مالها داعي الاعذار والافتراء على اللاعب والكل يعرف ان اسامه لعب للهلال بالظغوط الشرفيه والباقي مانبي نقوله وخلكم من تصعيد الصحافه ووووو— والله اني احس من كلامكم ان اسامه باااع الوطن والاهل ايها الامير اسامه انسان وتبع عشق قلبه ومحبوبه اهلا مليون تريليون مرحبا به في النادي الملكي الراقي الاهلي -يالبييييه يالاهلي وبس وسلامتكم

  7. والله مدري لاكن هي كثيره شويه ولا صرت تبيه يستاهل لا صرت تحتاج مدافع ….
    يعني الاهلي شاريه محتاجه لان ما عنده مدافعين

  8. نبارك للاهلي الفوز بهذه الصفقة والحمد لله انه لم يذهب للاتحاد

    رئيس الهلال واقعي وصريح ولديه مبدا ان اللاعب الذي يغالي في السعر فلن نقبله

    من وضع اسعار اللاعبين بهذا الشكل هو البلوي وصاحب مخططات كارثة جده

    1. نعم البلوي صاحب كارثة سيول جدة و سيول جيزان و سيول اليمامة و هو اللي يرضع من النفط و هو سبب ازمة سوريا و امريكا و اسرائيل و الشعير و البرسيم و المازوت و الغاز ، يا حظ المسكين باتهامكم له و هو ما لقو عليه شي والا الود ودهم يلقون عليه بس ما حصلوا .

  9. ياخوي اعطوا المسلم فرصته والله انه يسوى اسامة وعشرة من امثال اسامة والفلته المرشدي اللي على ايش مقتنعين فيهم مادري لكن حظوظ نادي مثل الزعيم يمثلونه المعوقين هذوﻻ

  10. ياصاحب السمو هؤلا لايؤخذ بوعودهم او الالتزام بكلمته ولم يعد هناك مصداقيه في هذا لزمن
    لاتشغل نفسك
    الهلال اكبر منه ولم يكن قبل الزعيم الالاعبا عاديا
    وانا كمحب للهلال احمد ربي بأنه لم يعد لزعيم
    هو لاعب كبير ولاكن المبلغ المدفوع فيه اكبر بكثير من امكانياته
    وعمره الذي شارف ع 30سنه

  11. باب النادي مفتوح الحق ماتلحق راحوا أثنين الفريدي والهوساوي يابلاش ولي معنده يتفرج بلاش ؟

  12. حرااااااااام,36مليووون.بلاعب.سعودي..مع.اني.اهلاوي.بس.ماتمنى.الاهلي.يدفع.له.اكثرمن5مليون..
    لاينفع.المنتخب.ولانفع.فريقه.الهلال.ويبي.36…والله.لو.انك.معتزالموسى.خخخ

  13. من القرارات الموفقه لادارة الهلال

    هوساوي اشهره الهلال بانجازاته كغيرة من اللاعبين لو انتقل لغير الهلال ما عرفه احد

  14. الف شكر لك يا امير القلوب والله ما يستأهل المبلغ. هدى ٣٥٠٠٠٠٠٠ حرام فيه الفتح ميزانيته ٢٠٠٠٠٠٠ في السنة وهو هلحين متصدر حرام هدي الفلوس ياخذوها ناس ما تعرف تلعب ولا منه فايده ماليه والله راتبي في العمر كله مايو صل مليون

  15. للاسف ادارة الهلال مفلسة ولا تستطيع المحافظة على نجومها
    وقضية انها محددة سقف ( 5 ) ملايين في السنة فهذا الفشل بعينه
    معنى هذا الكلام ان كل نجوم الهلال الباقين ما راح يوقعون للهلال
    لان ادارة الهلال مفلسة وفقرانة ما تقدر تدفع اكثر من ( 5 ) مليون
    لذلك الفريدي ترك عرضكم الخايس والفقير
    وراح لعرض الاتحاد الي يبيض الوجه

  16. يا صاحب السمو الحمدلله انه ما رجع والله ان فيه مصلحه للهلال وبتشوفون هاذا لاعب اقدر اسميه ان الاعلام نفخه يا ناس شفتو مستواه قدام الارجنتين يتهرب ومخلي اسامه المولد وحيد بتشوفونه الايام بيننا لذا يا اميرنا المحبوب لا تهتم نقدر نجيب سنتر على مستوى عالي والايام بيننا احسن شي انه طاح في كبد الطحالب عقبال التجليه والتفويت

  17. رووووووووح يا هوساوي غير محسوف عليك والله من يوم شفتك معزم انك تروح تحترف وانا عارف انك تبي الفكه تبي الغربيه وبس ع العموم كفيت بس ماوفيت كفيت مع الهلال المواسم اللي فاتت وما وفيت كلامك ووعدك ع العموم بالتوفيق ؟؟

  18. واخيرا اعترفتو ياهلاليين انو اي لا عب مايسوا يوصل للمنتخب بكل سهوله بسببكم واعلامكم المطبل الحين يعني هوساوي ما نعرف الافي فريقكم
    وقت الي وقع مع الاهلي اصبح مايسوى

  19. عاد تبون الصراحه اسوا ادارة مرت هلى الهلال ادارة دنحي ..صراحه تفريط في نجوم الفريق ياخي هذا نجم تفهم وش معنى نجم لازم له تعامل خاص وبعدين دامه ابن النادي ويستاهل اعطه ياخي واذا خو حسب كلامك ما عندك فلوس ياخي ضف وجهك غير كثير بيجي ويدفع لا تقعد تمن علينا انك جايب ااكوري والعربي بعدين منقان والمرشدي وش ابي غي وجه انا ما استغرب اذا رجع يتسر للعين واذا راح نواف والفرج ..وعلى طاري نواف ترى نواف التمياط ما طيره من الفريق الا انت وسامي كذلك الدعيع ،،يالله وش تبينا نقول

  20. بالنسبه لي كواقعي ورزين في طرحي
    ارى ان السبب الوحيد لهذه الفوضى والانتقالات
    البيئه الصحيه الجيده
    يوم لك ويوم عليك وافهم يافهيم
    بالنسبه لقاهر العالميين وسفراء الوطن
    اوصيك وصيه كل يوم طالع منكم نجم ابحث عن
    الاسباب لا يكون بو لسان سوا شي في الثقه
    او ترديدك وجماهيركم للكلمه الشهيره
    كوريـا كوريـا كوريـا

  21. افل نجم الهلال وطلع نجم الاهلي من زمان يا اهلي لم تحضر صفقات بهذه القيمه ومن زمان لم نسمع الهلال يقول عدم تعاقدنا مع الاعب المال مافيه الخزينه بح هل هذا ينذر بنهاية سيطرة المال الهلالي ودخول بعبع جديد وهو الاهلي 0 الفرق اذا كان الهلال دافع مبالغ كبيره في لاعب يمتدحونه واذا فريق غير الهلال قالو الاعب السعودي لا يستحق هذه المبالغ سبحان الله مغير الاحوال

  22. مبلغ 36مليون ريال يعادل 9 مليون دولار اندفعت في لاعب مثل هوساوي ترتيب منتخبه فوق 100 ولاعب راجع من رحلة احترافيه فاشله ولم يثبت نفسه في الدوري البلجيكي العقد هذا ذكرني بكلام فهد الغشيان احنا ماعندنا احتراف احنا بنكذب على بعض

  23. انا اشوف انو الدوري هذا السنه دوبه بدا واللي جاي افضل بتوفيق لي احمد الفريدي و الي اسامه الهوساوي

  24. يروح هوساوي وانا أقول للفريدي وهوساوي الي جابكم يقدر يجيب غيركم مو بعد موسمين تطلعون للاعﻻم وتقولون انكم ندمتو على ترك الهﻻل ياجماهير الزعيم شباب الهﻻل محتاجين دعمكم ﻻتبخلون عليهم ادعموهم كفووو يابن مساااعد تعجبني يروحون ﻻبوهم ﻻبو الي جابهم

  25. بسم الله الرحمن الرحيم وبه نستعين وعليه نتوكل وإليه المصير وهو الموفق والمعين
    اكتب هذا الموضوع ولاأعلم مامصيره هل سيناله الحذف والشطب كسابقيه من المواضيع ام لا .
    جماهير الهلال الوفيه اكتب لكم وكلي حرقه على نادينا ، أكتب إليكم وكلي تشاؤم بمستقبل هلالي لايبشر بخير أكتب إليكم وقد أزهقت روح الهلال وميزتها ونواياه الطيبه بإدارة لاتحمل هم كيان .

    أنقذو النادي من إدارة لاتحمل هم الهلال بقدر عشقها وانسياقها لكل ماهو استثماري
    أنقذو النادي من إعلاميين كانو بالأمس يبحثون عن كل إساءه للهلال وبسببهم أوقف كوزمين ورحل رادوي واستاء ابن الهلال سامي الجابر ( واليوم هم هلاليين !!!! )
    أنقذو النادي من نفاق ولعب على وتر الصراحه والحقيقه وهم ابعد من ذلك
    أنقذو النادي من إدارة تحارب كل من يخالفها حتى أصبحنا أضحوكه الجماهير الخليجيه
    أنقذو النادي من إدارة فرغت النادي من محبيه ومن أعضاء شرفه المؤثرين
    انقذو النادي من إدارة جعلت اللاعبين بدون روح ولا عشق ولاأخلاص

    أبحثو عن امل يعيد لنا البسمه كجماهير والأمل معقود برجل بإخلاص أميرنا المحبوب بندر بن محمد
    أبحثو عن أمل يعيد القوة والحجه لنا كجماهير والأمل معقود بأميرنا الشاب محمد بن فيصل
    أبحثو عن أمل يعيد لنا ابناء النادي ومحبيه والأمل معقود برجل بقامة الأستاذ فواز المسعد
    أبحثو عن أمل يعيد لنا شباب عاشقين مطورين والأمل معقود بالمهندس طارق التويجري
    أبحثو عن أمل يعيد لنا الهلال نادي النوايا الحسنه .
    سواء حذف هذا الموضوع أو شطب اسمي من المنتدى فسأبقى عاشقاً للزعيم ولن أتلون كما تلون إعلاميي الغفله . شكراً

  26. سياسة الامير صحيحة
    ولا لاعب سعودي يسوى هذي الملايين
    والله بالكثير 5 مليون بالسنة
    الهلال كبير و راح يبقى كبير
    اسامة وعد و اخلف وعدة

  27. السعر الحقيقي لافضل لاعب سعودي بالسنه 3 مليون ونص بالنسبه لتضخم الحاصل في سوق اللاعبين له الف حل ومن الحلول ابتكار طرق شبيهه بطريقة الاتحاد الانجليزي بربط احتراف اللاعبين الاجانب في الدوري الانجليزي بترتيب منتخباتهم في التصنيف العالمي وكثيرا سمعنا عن رفض الاتحاد الانجليزي احتراف لاعبين اجانب في الدوري الانجليزي والسبب تصنيف منتخبات بلادهم واخر اللاعبين بدر الطوع قبل شهر تم رفض عقده مع توتنهام بسبب ترتيب المنتخب الكويت متأخر والحل للدوري السعودي يأتي من الاتحاد السعودي لكرة القدم اذا كان يريد ان تعود هيبة الكره السعوديه وتتطور وتنافس الدول الكبرى الحل هو ربط اسعار عقود اللاعبين بتصنيف المنتخب على العالم ويلتزم النادي بمقدم عقد وسقف لرواتب لكل تصنيف للمنتخب والخلاصه اذا ترتيب المنتخب فوق المية مايتم المصادقه على عقد مثل عقد هوساوي بالقيمه هذي الحين في واحد بيقول كل اللاعبين السعوديين بيحترفون برى اقوله من يبي لاعبينك غير الدوريات الخليجيه اللي مثل دورينا القطري والاماراتي يبون يتطورون ومايبون لاعبين عاله عليهم وباقي دوريات الخليج مايدفعون بيضطرون اللاعبين للبقاء بالسعوديه ويرفعون مستواهم ومع زيادة الاهتمام بالناشئين امور كثيره بالكره السعوديه تغيرت وعاد المنتخب لمستواه

  28. السلام عليكم ورحمة الله وبركاته

    .. اسامه هوساوي صراحه لاعب طاح كرته
    وبعد التجربه الاحترافيه اتوقع مايرجع ب مستواه 2008 ولا 2009
    خلاص كبر وتوه راجع من اندرلخت البلجيكي وتجربته كانة فاشله
    واتوقع انه ماراح يقدم شي مع الاهلي مبروك عليكم الاعب
    واتمنى منك ي عبدالرحمن بن مساعد استثمار المال ب شي يستاهل
    ولا يكون ب اشياء تافهه ك دفع 40 مليون ولا 20 مليون
    تهز ميزانية النادي على مقلب

    تحياتي …

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى