الأخبار المحليةالنصر

الأمير فيصل بن تركى : أشكر جمهور الشمس .. والنصر سيكون منافسا قويا .. وسأجتمع مع أعضاء الشرف والمختصين

قدم الامير فيصل بن تركي بن ناصر رئيس النادي اعتذاره لكافة  جماهير نادي النصر على المستوى الذي ظهر به الفريق الاول لكرة القدم خلال الموسم الرياضي المنصرم والذي لم يتواكب مع الطموحات حيث واجه الفريق بعض الصعوبات والمعوقات التي أدت الى بعض الضعف في مسيرة الفريق .

وأكد سموه ان سيبدأ جملة من الاجتماعات مع اعضاء الشرف والمختصين خلال الايام القليلة القادمة لترتيب العمل الاداري والفني والتنظيمي للنادي بشكل عام ووضع استراتيجية واضحة ومحددة للسنوات الخمس القادمة.

وأشار سموه الى ان الفريق الاول لكرة القدم سيكون منافسا قويا في الموسم القادم بناء على المعطيات التي ظهرت خلال الموسم المنصرم وما سيتم أضافته خلال الفترة القادمة.

واختتم سموه تصريحه بالشكر والتقدير لأعضاء الشرف الذين ساهموا ودعموا مسيرة النادي في هذا الموسم متطلعا سموه لوقفة جميع محبي النادي مع الكيان خلال المرحلة القادمة كما قدم شكره لجماهير الشمس العريضة على وقفتها الصادقة مع النادي طوال الفترة الماضية .

مقالات ذات صلة

‫44 تعليقات

    1. ههههههه اتحدى سموا الامير يقول بنافس على الدوري ترى وعوده كلها على كأس ولي العد وكأس الملك لان نفسها قصير بشرط ان القرعه تخدمه هو يعرف كلامي زين.ياسوا الامير انت حلولك مؤقته يعني لعيبه جاهزين وين البراعم والناشئين والشباب.

  1. سر يا كحيلان ونحن معك بالدعاء والتشجيع والله يحقق على يديك كل طموحات جمهورالشمس .ووصول العالمي الى و صافت كاس الملك هو لقاح للبطولات القادمه ان شاء الله بس الله الله يا سمو الامير بنادي يريحك الشنه الجايه وانت حاط رجل على رجل وكلك ثقه بان هذا الفريق يريحك وتقدر تخوظ به البطولات .ولايجعلك تحط يدك على قلبك ونحن معك وطول المباراه نقول الله يستر…..بالتوفيق ان شاء الله …………

  2. من ضعف الى ضعف..ومن جرف لدحديرررره ياحالميين
    والله ماعندكم سالفه..نفس الكلام كل سنه
    عقبااااااال مانشوفكم تنافسوووون في الدرجه الاولى لان مستواكم لايؤهلكم للعب في دوري زين…

  3. يافيصل جماهير النصر تبيك نمسك الباب انت انسان ماتفهم حتى وش معنى كوره … خلك بالبلايستيشن ابرك لك

    انت باختصار دلخ والشيطان لعب عليك وقالك انك تفهم

  4. السبب الرئيسي لضياع النصر فيصل بن تركي لا فكر ولا شخصيه اداريه والاستغناء عن اعضاء الشرف . عموما اذا كان رب البيت للدف ضارب فشيمة اهل البيت الرقص . وتستمر حلقات سنوات الضياع بطولة صديق نفسه . ترقبوا الجزء القادم ..!!!!!

  5. فيصل بن تركي انت عملت في النادي لكن لاتعمل بنفسك افتح المجال للاخرين للمساعدة وانا ابصم لو ادارة النصر اتفقت ع راي واحد لخرجنا بالموسم القادم ببطولة وانجاز فيصل بن تركي لاتعيشنا ع اوهام وكل سنة نقول النصر بيرجع ونراه متاخر بالرجوع كثيرا فيصل بن تركي دعنا نفرح بنصر جديد وجميل دعنا نهتف في ملخص البطولة باسم كحيلان

    ان شاء الله بيرج النصر بتعاون وتكاتف الادارة من بعد الله وابقوا بماتورانا

    بالتوفيق يارب لنادي النصر العالمي

  6. منطقبا النصر قبل وجوده كان سيئ جدا ولا يوجد طموح للبطولات لكن وعود الرئيس سببت ظغط لنا وللرئيس لوعمل بصمت لما واجه ظغط والآن يريد سقف الطموح يتوافق مع الإمكانيات ؟ أعمل مثل رئيس الإتفاق ولا أحد يلومك أقول الإتفاق لأن رئيسه قدوة ويعمل بدون راعي ولا داعم وفريقة ينافس وليس عليه ديون نريد فقط 4أجانب مميزين فقط والزيادة حارس ممتاز وظهير أيسر مميز وشكر كل من حسين وهوساوي ومالك وفلاته

  7. لاوشقلو سحرهههههههههههههههههههههههههههههههههههههههههههههههههه
    هههههههههههههههههههههههههههههههههههههههههههههههههههههههههههههههههههههههههههه

  8. تدرون وش فنصر سحررررر ههههههههههههههههههههههههههههههههههههههههههههههههههههههههههههههههههههههههههههههههههههههه

  9. يبون بطوله لا وباقي قدام الاهلي خبلاان ياخبيلاااااااااااان والله لو تجيب ميسي ماتاخذون بطوله يبو اربعه لا وشقالو انفك السحر هههههههههههههههههههههههههههههههههههههههههههه

  10. خلوا الرجال يشتغل قرقعتونا حطوا انفسكم مكانه
    واللي يعلقون كلهم من انديه اخرى لاتردون عليهم يبون يكرهونكم بالعالمي النصر بمن حضر ارجوكم خلوكم معه قلبا وقالبا والمنتخب سقط مع سقوط النصر ومن اسقطه هم لاعبين الهلال والشباب بصراحه وبعض ……..الخ

  11. تنبيه: غير معروف
  12. صاحب الرد المسمى بالكيان الإتحادي اكيد ما يمثل إلا نفسه المريضة الحين ويش دخلك بالنصر ورجالاته خلك بهم فريقك بالأول والمشاكل الي عنده وبعدين أصلح واتكلم عن الغير ولاتنسى الي بيته من قزاز لا يرمي الناس بالحجارة .

  13. النصر كبير ولا ينقصه المال ومن عاده الانديه الكبيره انها تعود سريعا واكبر مثال الاهلي بعد ان كان سيء في الموسمين الماضيه
    ما ينقص النصر هو الفكر وكيف يدير المال بطريقه صحيحه هذا اولا
    ثانيا ترك تجميع الاعبين المنتهيه صلاحيتهم
    ثالثا الاعتماد علي لعيبه النادي وجلب المميزين في انديتهم
    جلب مدرب سجله قوي بالبطولات واعطائه الحريه الكامله في اختيار الاعبين الاجانب وعطائه ايضا الصلاحيه في تسريح الاعبين المنتهيه صلاحيتهم مهما كان اسمه
    والاهم من هذا كله تنظيف النادي من الداخل
    اهلاوي محب للنصر

  14. رئيس فاشل وسئ جدا جدا لوافهم السنه الجايه وش بتسوي مثلا ثلاث سنيين والجمهور النصراوي متحملك لانك فزت على الهلال والاتحاد في جولتيين متتاليتيينفالافضل رحيلك وعدم قدومك للمدرج لانك شؤم على النادي.

    بالتوفييييق

  15. يارئيس النصر الشغله صدقني كلها في الفكر السليم وتشوف الشي الي يصب في مصلحة الفريق وتمشي معه وخذ العبره من نادي الاتفاق والفتح كلهم من دون راعي رسمي ومع كذا شوف كيف مستوى فريقهم منافس في لدوري واحجروا الانديه الكبيره عاد كيف لوكان عندهم ماده وش كان بيسوون استعدين بالصحاب الخبره وعطهم الصلاحيات في اختيار الاعبين المحترفين سواء الاجانب او المحليين واتمنى يكون في مقدمتهم يوسف خميس في المدرب الوحيد في نادي النصر الي اشرف ع الفئات السنيه وعارف مستوى اللاعبين لكن للاسف محد مقدر قدرات هذا المدرب وضم معه ماجد والهريف وصالح المطلق وغيره من الاعبين السابق للنصر فهم لاعبين ويعرفون الاعب الجيد الي يخدم مصلحة الفريق ومثل مايقول المثل اعط الخبز لخبازه وتحياتي لك وبالتوفيق ان شاء الله

  16. النصر بمن حضر

    وفيصل ابدع وجتهد وغير الفريق بسنتين جاب افضل ألعيبة امثال السهلاوي وسعود حمود والغامدي وكان القحطاني بس ما من توفيق

    نشوف السنه هذي أيش الجديد بجعبته وسلا متكم

  17. بصراحة الدوري السعودي لك عليه رتمه بطيئ نوعا ما واللي محلية أنت يابو تركي وفريقك الحفلة فاكهة الدوري السعودي خلونا نضحك ونستانس أهو الدنيا معطيتنا بلوك, خلونا نستانس ولا تصيرون عنصريين مره فكوها شويا خذ راحتك موسم ثالث ورابع ويالله بالتوفيق

  18. كيف ينافس واستراتجية الرئيس يدور على النطيحة والمتردية ….الخ النصر لازم يشيل الهلال من باله عشان يوصل مركز جيد ثاني شي ما يكدس لاعبين مثل عباس و هوساوي وعيد ويطير السهلاوي و بوقاش ويجيب مهاجمين على مستوى عالي ويشيل حسين عشان تروح المجاملة ويتلاحم اللعبين وهذا مايصير الا اذا نظف الجماهير قلوبهم من الحسد لباق الاندية وسلامة فهم النصراويين

  19. ياخي ارحل واترك النادي لمن هو اجدر بالفكر والمال
    بالعربي: ارحل
    الانجليزي:I leave
    بالهندي:मैं छोड़
    بالبنجلاديشي:আমি ছেড়ে
    بالفرنسي:je laisse
    بالفارسي:من ترک
    بالارديه:مجھے چھوڑ کر
    بالاسباني:dejo

  20. حلم كل نصراوي
    خذ ورقه بيضاء ناصعه وقلم حبر
    واكتب مايلي

    بسم الله الرحمن الرحيم
    الى كافة الجماهير النصراويه
    السلام عليكم ورحمة الله وبركاته
    اعلن في هذا اليوم عن تقديم استقالتي من رئاسة هذا الكيان العظيم الذي حققت من خلاله الشهره
    وحققت من خلاله حبكم وتقديركم فلن انساكم وستبقون تاجا على راسي فأنتم كنتم عونا لي بعد الله
    حاولت واجتهدت لأحقق لهذا الكيان العظيم بطوله لكن لم ا وفق وكما تعلمون ان التوفيق بيد الله
    :
    :
    : رئيس مجلس ادارة الكيان النصراوي

    سمو الامير الملكي فيصل بن تركي

    هل تعلم ياسمو الامير ان هذه الحلم راح يكون اجمل حلم بعمري وبحياة كل نصراوي وكأنك حققت لنا 25%و100% وهو رحيلك تصدق ان دموعنا راح تتساقط بعد رحيلك من النادي حبا وفرحا وابتهاجا بمغادرتك لرئاسة النادي ولاتنسى تاخذ فرقة حسب الله معاك حسين وبرناوي وهوساوي ومالك وعيد (((( يازين الواحد يحلم ويحلم ويحلم………………………………………..الخ)))

  21. بسم الله الرحمن الرحيم
    يانصراويين أبي اطرح سؤال بكل عقلانيه واتمنى الجواب يكون عقلاني لو طالبنا برحيل فيصل بن تركي من هو الشخص المناسب بديلا له لاحد يقولي حسام الصالح لانه شي مستحيل يستلم النصر مواطن عادي هذا نادي مملوك فاكيد ماراح يجينا الا الوليد او طلال بن بدر وكلنا نعرف وش سياستهم راح يقولون لاتشرهون اننا نجيب لاعبين على مستوى عالي وبالتالي النادي راح ينافس على الهبوط

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق