الأخبار المحليةالهلال

الجاسر : عدنان حمد كذاب .. والعالمية صعبة قوية

تحدث عبدالكريم الجاسر مدير المركز الاعلامي بنادي الهلال خلال تواجده في برنامج الهدف قائلاً : انا من الان اؤكد بأن 90% بأن البطولة لن تخرج من فريق اولسان الكوري وذلك بحسب ما شهدت عن قرب , فريق منظم داخل الملعب ويلعب كورة قدم عالية المستوى .

اما ما يخص تغريدة الاعلامي منيف الحربي بخصوص “العالمية صعبة قوية” فنحن لا نتحدث عن مشجع عادي يرددها بأستمرار وسمعناها كثيراً  في الملعب ولم نتحدث عنها , لكن ان تصدر من معلق رياضي يمثل قناة سعوديه رياضية فهذا شئ غير مقبول لنا ,

وانا اتحدث عن المعلق الاماراتي عدنان حمد عندما قال خلال تعليقه احدى المباريات “العالمية صعبة قوية” وبعدها اعتذر وقال انا لم اكن اعرف موضعها ولم اقصد التقليل من الهلال , ولكن في مقطع ثاني ظهر كشف انه يكذب ويعلم موضوعها .

وعندما اعترضت في وقتها كنت امثل النادي ولا امثل شخص عبدالكريم الجاسر لكن منيف يحاول ان يضعها موضوع شخصي لعبدالكريم الجاسر مع عدنان حمد وهذا غير صحيح .

واكد الجاسر بأن العالمية صعبة قوية وهذا شي صحيح , لكن ان تقولها في وقت يكون فيه الهلال مهزوم او تقولها في مباراة لا يلعب فيها الهلال فهذا شئ غير مقبول .

وفي ختام حديثه قال نتمنى ان نرتقي بالطرح ونبتعد عن مثل هذه الامور .

وكان حديث الجاسر رداً على تغريدة لمنيف الحربي بعد مباراة الهلال مساء البارحه.

مقالات ذات صلة

‫85 تعليقات

  1. نعم صعبه وقويه في ضل وجود أشباه اللاعبين وفي ضل وجود سذاجات كسذاجة الجاسر ومحاولته نقل المعركه بإتجاه آخر.
    من عق المعلق أن يصف ما يراه بما يتماشى مع الذوق والأدب.ولان الذوق والأدب يقتضي قول مثل هذا قاله.
    ثم إن هذا التحجيم على رأي رأي المعلق والتحجج بأن ذلك صدر علنا على شاشة سعودية هو سر التقليل ومعايرة القناة بالخشبية.
    لن تتطور القناة مادامت تستمع لأشكالك التي تجامل وتتشدق بالمثالية.

    1. تألمنا لخروج الزعيم كما تألمت جماهيره العاشقه ولا يمكن ان نفرح لحروج فريق سعودي من البطوله
      ولكن الغريب الذي الى الان لم افهمه ردة فعل اغلب الجماهير الحاضره برمي العب الفارغه للملعب
      وترديد صعبه قويه وتشجيع الفريق الاخر بطريقه لا تصدر الا من صغار المشجعين
      انهزم الهلال خير ياطير مافيه فريق ما ينهزم بالعالم ويخسر بطوله ردة فعل غير طبيعيه من جمهور فوز فقط وليس عاشق للكيان الهلالي

      هاردلك للجميع

  2. حتى جمهورك مقتنع ورددها وهو مايدري …. اما انك تجزم ان اولسان سوف يفوز باسياء فاعتقد ان هناك ابطال بصدق زعماء الكرة السعودية الاتحاد والاهلي وليس زعماء القاب فقط .. فالتاريخ يقول ان الاتحاد هو زعيم اسياء .. فما هو تاريخ الهلال لكي يصبح زعيم .. الي الامام يا اتي ويا اهلي ونحن ورائكم…فالعالميه صعبة قويه…

    1. الزعامه صعبه قويه ( ٥٣ بطوله محليه و ٦ آسيويه و ٤ عربيه وأول متأهل اسيوي لكاس العالم للأنديه اللتي ألغيت ولقب نادي القرن في اسيا ونادي العقد أيضاً ) هذه هي الزعامه الحقيقيه . والعالميه ليست صعبه قويه والدليل الجزيرة الإماراتي تأهل بسبب التنظيم والنصر بسبب التصويت !!!!!.

      1. كلام واقعي وكبير واشكرك اخي
        والهلال كبير وسيضل كبير ولا ننتقص من الهلال لأخطاء مدرب لم يحترم خصمه..

  3. سوف أحزن الليلة لخسارته فهوولكن لن أنسى أنه هو من أفرحني 53 مرهـ وغيري مازال يتغنى بمشاركه منذ عشر سنوات
    يازعيم تبقى زعيما رغم أنوف الحاقدين سابقى أحبك وسابقى أعشقك حد الجنون
    سحر وخيال كسر انياب النمور واهلك الليوث فدمر القلعه وابكى الحالمين ليبقي الاخرين في ذهول نعم هو الزعيم هو هلالي
    سووف نضل نعشقك ياززعيم

    1. اقول لكي يا هلالية ,, معقولة لحقتي على 53 بطولة للهلال يا حليلك ترين اكثرها بطولات حواري وودية هههههههههههههههههههههههههههههههههههههههههههههههههههههههههههههههه

    2. اقول مع نفسك و53 ماخذتها عن جداره والدليل هدف ياسر امام الشباب اما الاتي والقلعه والعالمي ماتطول انجازهم

      1. هههههههههههههههههههههههههه يا حليلك يا العالمي 53 مسجله بفن وابداع ومتعه هلاليه واذا تجاوزتو الــ 40 تعال تكلم وبعدين على فكره ترا غيرو المنصات اكثر من مره ولا مريتو على التغيير هذا يعني مغبرين وانتو وآخر بطوله اخذتووووووها هـــــــــــع ….؛؛؛؛

    3. العالميه صعبه قويه 53 من كيس مين المهنا ولا ابو زنده ههههههههههه مافي مساعدات حكام في اسيا وبعدين اسيا مالها الا رجالها على المطبخ ولايكثر هههههاااااااااااي

  4. هاردلك.يازعماء تمنينا الآسيوية السابعه وماكتب الله والحمدلله دولاب الهلال يحتضن ست كؤوس آسيويه ، وغيرنا ماعنده غير ورقة ترشيح وسند دفع

  5. ما قال شي غلط الهلاليين العقلاء قالوها ايضا!!!!

    سبحان اللهوبحمده سبحان الله العضيم

  6. العالمية ماتجي بالاماني .., ولاتجي بتسير باصات ………., العالمية وضع ياناس ثاني .., لو جيشوا كل الصحف والمحطات ……….., ماهي تحت أيدي بعض اللجاني .., اللي تفنن بإتخاذ القرارات ……….., ولاهي تحت سوس الزماني .., اللي تخترق جميع القنوات ……….., العالمية مالها إلا الحصان .., اللي تبدع في جميع السبقات ………., أقولها للي على دان داني .., تمشون خلف محرفين الشعارات………, إصحوا من الأحلام عدة ثواني .., تدرون إن أمجادكم كالخرافات ………..,

    1. سلام مني لجزل المعاني ابو سعد سطر ابيات

      ابيات ضافياتن سماني للي يبدع القاف سهلات

      يشرح الوضع للجيهلاني اللي لهم زعيقن بالقنوات

      ربع ابو زنده والهلقماني راع الخفايا والظلامات

      ضاعت علومهم في ثواني تعشاهم الكوري بلحظات

      صلخهم مثل صلخ خرفاني حتى الخريف يرفس الى مات

      اما هذولا ماني لهم شاني لولا الدعم الخفي هيهات هيهات

    2. ابو سعد احس راسك شيب من النصر
      خلك بالفقر ،، ترى ” المحلية ” صعبة قوية
      حتى الفتح متصدر ازين منكم يا احلام كابتن ماجد وتاريخه
      خلك على برناوي وعيد اللي بغى يطلع الهدف قدام التعاهههههههون
      اكيد الآسيوية صعبة عليكم لانكم ماطلتوها بالجهد ولكن بالواسطة والترشيحات
      فخلك على قدك وحاولو السنة ذي تحققون كأس الأمير فيصل على الاقل
      شف من يتكلم لا وشاعر بعد ههههه

      1. المحلية جبناها رغم أنفك وأسأل الموينع والسلومي
        والعالمية صعبة قوية يا أبو لسان أقصد ياحق أولسان

  7. التشاؤم وصل بهم الى ان يحرموا مشجيعيهم من حضور المباراة لضيق ملعب الملز وسينتقل التشاؤم من استاد الملك فهد الى ملعب الملز مما يضطرهم الى ان تكون مشاركتهم ببطولة اسيا بملعب الصايغ او استبعاده من تمثيله للوطن بالمشاركات الخارجية ويكتفى بالمشاركات المحلية واعطائه البطولات مثل العادة بس لايمثل الوطن خارجيا حفاظا على سمعة الوطن الكروية

  8. سبحان الله كنك تقول حنا نبي نقول اللي نبي و انتم كلوا تبن .. حتى الوطنيه ا للي كنتم تلومون الأنديه الثانيه لما تشجع خصومكم .. البارحه ردد جمهورك ( العالمية صعبه قويه ) وشجع فريق أولسان والأمر من ذلك أن الجمهور يهتف ضد فريقك؟!؟!؟!

  9. ماقال الا الصحيح ( العالمية صعبة قوية ) الهلال لم يستعد لبطولة آسيا بالشكل الصحيح لأنه لم يحدد هدفة بل أنه يريد أن يأخذ كل البطولات المحلية بالأضافة الى البطولة الآسيوية وهذا غلط و غلط و غلط يجب على المسؤل في ادارة النادي ان يعرف مطلب الجمهور الأهم واليس المهم

  10. الزعيم يسير و الصفر ينبحون

    وتاكدوا ان صراخهم عند اي تعثر للزعيم يعتبر انجاز لهم وفرحه لا تضاهيها فرحه لان الزعيم دائما ما يحجمهم اذا كانت ندا له …. اما من ياكل بيمين غيره وهذا طبعهم فلن يشبعوا ابدا

    لذلك اقول للزعماء دعوهم يفرغون ويعبرون عما بداخلهم لانها فرصة نادرا ما تتهيا لهم !

    منيف الحربي >>> سقط قناع المثالية , أظهر وبان عليك الأمان

    كن اصفرا شجاعا مثل الصرامي و بقية المرتزقه ………. تحية للزعماء الشرفاء

    1. يعني مبسوط يابابا طلع تعليقك الذي يدل على بيئة النباح اللي عايشها ؟؟؟ ليتك تتعلم من الرجال الكلام الرزين ؟

  11. الاعلام الهلالي ولجان الهلال ضيعت الرياضة ياخي هذه عبارة لاتقدم لاتؤخر ما يقدم ويؤخر التراجع او الانحدار الرهيب الذي تشهده رياضتنا نطلب المساواة بين الاندية والهلال ظلمت الاندية من اجل الهلال

  12. مااشوف فيها شى جمهور بالملعب يزئر ويقول العالميه صعبة قوية وكل المعلقين نقلوها للمشاهدين

    من ابو ظبي لدبي للكاس للرياضيه تكذبون على مين وايش دخل المعللق الحين تجى تقول يكذب ومايكذب قول خسرنا لانه ليس بيومنا قول المدرب قول الاعبين قول الجمهور سبب ضغط بس تترك الخسارة وماتجى غير للمعلق يارجل استحي شوية خلى عندك فكر تضحك على مين انت وتبرر خسارة الهلال تقول ان اولسان قادر على الفوز باسياء ايه يفوز ويفوز الاهلى ويفوز الاتحاد ويفوز الفريق الاوزبكي فهذا حق مشروع لكل من يحرث الملعب

  13. مع احترامي الشديد المعلق القدير عدنان حمد ظلم للأسف من هذا الشخص المتعصب الي ما حصل اثاره الا انا يعادي معلق قدير بحجم عدنان حمد انت يالجاسر لو فريقك وصل للعالميه لكان اسلوبك ارقى من كذا

    1. رشح النصر بالتصوبت
      ومثل المملكه اسوا تمثيل حيث كان محطة استراحه للفرق المشاركه والكل اخذ نصيبه من الكيكه الصفرا
      فهنيئا للاصفر بهذه المشاركه وبهاذا الإنجاز فهيه بطوله يستحقونها ويتغنون بها

  14. (واكد الجاسر بأن العالمية صعبة قوية وهذا شي صحيح , لكن ان تقولها في وقت يكون فيه الهلال مهزوم او تقولها في مباراة لا يلعب فيها الهلال فهذا شئ غير مقبول .)

    هههههههه طيب وش دخل الهلال بهذي الجملة التي يجب على كل المعلقين ان يقولونها في مبارايات الهلال فقط وغير مسموح ان يقولونها في غير ذلك ..!
    الهلال لم يستطع الوصول الى مركز اسيوي متقدم خلال عشر سنوات يعني جيل طلع مايعرف الا هالجملة ولا يعرف لماذا تردد اصلا حتى من جمهور الهلال ..

  15. أستاذ عبدالكريم الجاسر أنا أتفق معاك في ما صرحت به ،،،،،،،،، لكن ترشح الفريق الكوري بنسبه عاليه هذه سقطه منك
    الفريق الكور انت كنت أفضل منه في مباراة الذهاب ولم توفق يوم البارحه تحكم حليه بأن البطوله له.
    بكل حياد الفريق الصيني كان الاقوي بشهادة الجميع التعصب مازال والبحث عن الاسقطات هم الكثير

    هذا سبب تأخرنا

  16. خرجت الضبان من جحورها بعد خسارة زعيم اسيا انتم جيبو بطولات اسيوية بعدد بطولات الزعيم ثم تعالو كلمونا عن العالمية

  17. أبلع هوا وانطم جمهور الهلال يرددها وانت تهاجم عدنان حمد يالدلخ والعالميه صعبه قويه كلمه عامه وليست موجهه لك انت وناديك المدلل داخليا

  18. إن الكرة السعودية وللأسف لم تصل للحال ألتي هي علية الأن إلا بسبب هؤلاء الإعلاميين الجهلة الذين لا هم لهم إلا إثارة الرأي العام واكثر الإعلاميين المقذعين في الجهل والتعصب هم الإعلام الهلالي الساذج وإلا مادخل كلام المعلق عدنان حمد في خروج هذا الفريق الذي تعود على الدلال من لجان الإتحاد السعودي ولذلك هؤلاء الجهلة يتوقعون أن أسيا كالمحلية ويقول هذا الجاهل الجاسر أولسان أقوى فريق وسوف يحصل على كأسها أذهب أيها الجاسر الجاهل وحلل في حراج بالقاسم أحسن لك أنت وأمثالك عالة على الإعلام الرياضي ( على قدر أهل العزم تأتي العزائم ُ …… وتأتي على قدر الكرام المكارم ُ )

  19. للمعلوم فقط الاسيويه كانت مثلها مثل بطولة الخليج ولايلعب في هذه البطوله الااندية الوسط من الدوري اما الانديه الابطال فكانت لاتبحث الاعن بطولة الدوري لان هي البطوله التي كانت تبحث عنها الانديه العالميه لكي تشارك في بطولة الاندي لكاس العالم واذكر كلام لمحمد الدعيع في برنامج كوره يقول انهم لعبوامام فريق كوري ولعب امامهم بالفريق الرديف ولعب براس حربه الحارس الاحتياط في بطوله من بطولات اسيا وان دل فانما يدل علا عدم اهميتها وعند البحث لماذا لعب بهذه الطريقه قال انه لايبحث عن بطولت اسيا ونما يبحث عن بطولت الدوري

  20. انا اشوف ان الآسيوية صعبة قوية على الكرة السعودية كلها وليس على الهلال
    الهلال زعيم آسيا ليس بالكلام فهو الى الآن يملك ست بطولات آسيوية
    فقط لأنه الزعيم فرأيتم كل ردود الفعل هؤلاء الشامتين هل نراهم عندما يفوز الهلال
    الإتحاد تاهل بالحظ ضاعت اكثر من عشر فرص للغريق الصيني وكان دفاعه شوارع لكن حظ
    الأهلي من اقنع الى الآن فقط هدوء هدوء سيظل الهلال زعيمهم كلهم

  21. لاتحاول انت واشكالك بجر جماهير الهلال الي امور ماتعنينا ..يقول الي يقوله..من متى كان يعني الهلاليين وش يقولون .. لكن اذا كان فيه احد كذب وغطاء الحقائق (وتورط)مع ادارة ابن مساعد طوال هذه الفتره وغطاء على افعال هذه الاداره حتى وصلنا الي ماوصلنا اليه فهو عددكبير من المستصحفين المحسوبين على الهلال بحجة دعم الهلال .،والان يحاولوا ذر الرماد بعيون الجماهير بانتقادهم ومطالبتهم هذه الاداره بالرحيل بعد( الكوارث) حيث انهم يبدوا قد جهزوا مقالتهم ووضعوها (بالفريزر) استعداداً لهذه الساعة لانهم كانوا متيقنين من مجئيها ..فدعموا كافة اجراءات الاداره التي وقفت ضدها الجماهير ضاربين بمصالح الهلال ومصلحة الوطن عرض الحائط فخانوا جماهير الهلال مقابل ان تكون هذه الاداره (راضية) بطريقتها الخاصة..وانا هنا ادعوا باسم جماهير ليس الزعيم ففط بل جماهير الوطن لان ما حدث امس كان يمس الوطن اولاً اقول كافة روساء التحرير ومدراه والشرفاء الي تطهير صحفهم من هولاء الذين كان لهم دور اساسي ومباشر في الاساءة الي سمعة الوطن والهلال 

  22. وانا اتحدث عن المعلق الاماراتي عدنان حمد عندما قال خلال تعليقه احدى المباريات “العالمية صعبة قوية” وبعدها اعتذر وقال انا لم اكن اعرف موضعها ولم اقصد التقليل من الهلال , ولكن في مقطع ثاني ظهر كشف انه يكذب ويعلم موضوعها .

    يستهبل ؟!!

    سويتوا عليه قضية وإزعاج وحملات وما تبيه يعلم موضوعها على قولتك !!!!!

  23. مافي غير الطواقي الهلاميين الكدابين والنصابين اللي الفساد منكم ياطواقي ومحد غيركم يسنافر اللي شوووه الاعلام والرياضه ولعب من تحت الطاوله الفساد عندنا انتو منبعو ياطواقي وماغيركم الي يكدب ويزور التاريخ وقبل لاتهرج شوف تاريخكم الاسود

    (( لنصرنا العالميهـ والمناهج والاساطير والامجاد، ولهم البلاستيشن والحكام والابواق واللجان ))

    ” الـعــالمـــيهـ ّصــعبـهـ قَـــــويـــهـ “®

  24. خمسسسسه مفطحات حواشي حراااااق اليوم ع العشاء
    ١+٤=٥
    (( لنا العالميهـ والمناهج والاساطير والامجاد، ولهم البلاستيشن والحكام والابواق واللجان ))

    ” الـعــالمـــيهـ ّصــعبـهـ قَـــــويـــهـ “®

  25. اعترف بالفشل عادي
    والكره السعوديه كلها فاشله منتخبها وانديتها وخل عنك الي يقول صعبه وقويه لن تحقق السعوديه شي بهذه الوجوه

  26. العالمية صعبة قوية

    شئت ام ابيت رغم عن انفك

    ومسالة انك ترشح الكوري للفوز فهذا ماهو الا حقد تكنه في صدرك

    لكن لتعلم ان للكرة زعماء حقيقين ( هم الاتحاد والاهي )

    سلامتك ياروحي ( العالمية صعبة قوية )

  27. جمهور الهلال يرددها ف الملعب اثناء المباراة العالمية صعبة قوه بشكل جماعي ولا تستنكرها يا عبدالكريم وتستنكرها على المعلق ههههههههههه

  28. صعبه وقوييييييييييه صعبه وقوييييييييييه صعبه وقوييييييييييه صعبه وقوييييييييييه صعبه وقوييييييييييه صعبه وقوييييييييييه صعبه وقوييييييييييه

  29. شباب بالله ابغى واحد يكتب العالمية صعبة قوية باللغة الانجليزية ابغى ترجمة
    عشان في امريكي جيراننا يسألني ليش الهلال له 13 سنه يفحط يبغى العالمية مثل النصر
    عاد ابغى افهمه انها صعبة قوية بس ماعندي لغة .

    🙂 🙂 🙂 على فكرة الامريكي معي في السعودية لاتحسبوني مبتعث 🙂 🙂

  30. عبدالكريم الجاسر صاحب مقولة الحمار والعربة الشهير. كلنا نعلم ان فريقك هش ولاينجح محليا الا بالصحافة والتحكيم وبجهود السوسه والسويسة وينكشف فريقك خارجيا. لان التحكيم محايد
    واما توقعك فياريت تحتفظ بة لنفسك

  31. والله مانكب الهلال إلا انت واشكالك
    اللي حاب أقوله شكرًا عبدالرحمن بن مساعد كفيت ووفيت وقدمت لنا فريق في السنتين قبل الماضيه لاينسى واسيا لم تكتب لك والمهم الآن نسيان الماضي والتفكير في القادم
    أما بخصوص ترشيح المفلس لنادي أولسان للبطولة فهذا يدل ع انعدام الوطنية لديك فهل نسيت نادي الوطن وسفير الوطن العميد والراقي فهم رجال وقدها لاعبين لديهم روح وقتال داخل الملعب يحرقون انفسهم من اجل تشريف الوطن

  32. اللي يقول بان جمهور الهلال رددها امس(كذااب(انا حاضرها.انه جمهور الفقر عندما تاكد سقوط زعيم اسيا.اسقطوا اقنعتهم ورددوها.وقالوا بانه جمهور الملكي.واما بالنسبه للي يقول بان الاتحاد زعيم اسيا.ههههههههههههههه.تنكت انت ولا مكثر ورق عنب؟الاتحاد بطولتين في اسيا.والهلال ست بطولات؟اذا ساقط بالرياضيات اجي ادرسك.الهلال سيبقى شامخ بجماهيره,,,,ولن يسير وحده”حتى نبعد اشباه الاعبين من الملكي”

    1. ياشين الكذب ياشيخ من حر الفضيحة تقول اي شي
      لكن مكن رتجع لشريطالمباراة
      والله انها واضحة..
      هههههههههههههههههههههه

  33. كبير والله كبير وكاويهم وكايدهم يامبدع ياكاتممهم ياعدنان حمد قولها وماعليك وراك امة العالمي يعني لايهموك شوية سنافر وطواقي
    والكداب والفاسد يعرف نفسو وماعرفناه الا منهم الطواقي المحلييييين

    (( لنا العالميهـ والمناهج والاساطير والامجاد، ولهم البلاستيشن والحكام والابواق واللجان ))

    ” الـعــالمـــيهـ ّصــعــبه قَـــــويـــه “®

  34. والله انا اشجع الهلال والآن تأكدت ان العالميه صعبه على الفريق الضعيف والهش والغير منظم اما الجاسر والله انه في المكان الغلط لا وله نفس يصرح ويتركز في البرامج اهههههههههههه يا هلال كم اوجعتنا

  35. عيب عيب عيب يالجاسر … تتهم زميل لك وشقيق من دوله خليجيه شقيقه بالكذب ؟ لاحول ولاقوة الا بالله … بمثل عبدالكريم الجاسر وامثاله يكره الشعب السعودي الهلال … عموما الشعب السعودي يعتذر لأخونا عدنان وان الجاسر لايمثل الشعب السعودي واخلاقه .

  36. الفريق الكوري بياخذها انت شكو انت بس تمدح بالفريق والمرشدي داج والكوري ماسرحه بصخله

  37. اقول تلايطي ياهلاليه لك وجه تدافعين عن الهلال فااااشلين ومحليين بعد هاذي الحقيقه ليش نزعل

    ابصم بالعشر للي يقولون الهلال فاشل خارجيا الحقيه ليست عيب الكذب هو العيب عشان ناس مادرو عنك والريئس ونائبه هاربين من امس /// يعقل ولا تصريح منهم كل يوم ياعبدرالحمن بن مساعد بتويتر وكل قناة وينك الحين العب علينا ثاني مره واستقل زي العام يومين وارجع

  38. صحيح اللي اختشوا ماتوا هذا المخبول الجاسر يظن أن الاتحاد والأهلي مثل
    المحلي حقه فريق الحكام ويجزم أن 90% البطولة للفريق الذي هزأهم في
    عقر دارهم وبرباعية لضعفهم وتعودهم على الفوز بالتحكيم واللجان
    هل نسي الخبل أن أم صلال هزأتهم في الرياض وبين جمهورهم
    والاتحاد فاز عليها بسبعة نتمنى أن يلعب الاتحاد رغم ظروفه الصعبه
    وأوضاعه السيئة مع الفريق الكوري حتى يرى ماذا يعمل اسود الاتحاد
    وعلى ملعبهم وبين جمهورهم يامعتوه اعترافك إن العالمية صعبة وقوية
    جاء متأخرجدا الكل عارف إن المحلي ما يفوز إلا بالتحكيم واللجان ومن
    تحت الطاولة وما يقارن بنمور الاتحاد واسوده من رفع راس الوطن عالي
    مو زعيقك وصمة العار في جبين الكرة السعودية يامعتوه الهلال .

  39. اول شي فعلا العالميه صعبه قويه بس ابي اعلق على الفقراويه نبي نشوفكم وش بتسون بلبطوله العربيه وبتطلع فضايحكم وراح يعلق جمهور الهلال عليكم ويشمت كالعاده وهكذا الدنيا تدور بالنسبه للطحالب راح ياكلها من عمهم وداعس خشومهم الاتهاد لانها وبصراحه لعبة الاتهاديه المفضله بس في النهايه راح ياخذها الفريق الكوري وظني نفس ظن الجاسر وكذا انا احلف نص مشجعين الهلاال راح يشجع الا فريق الكوري في النهائي اذا نجاوز الفريق الاوزبكي بس بصراحه وصلنا لتعصب مدري وين بيودينا في النهايه صرنا نشمت من بعض ااذا خسر فريق سعودي

    ويا جماهير بلادي واصلي

  40. لقد ردد جماهير الهلال المعتوه العالمية صعبة قوية
    عندما اصيبوا بخيبة أمل وأن فريقهم لايستطيع الحصول
    عليها وعرفوا حجم فقيرهم وانهم يشجعوا سراب
    فما إن يخرج خارجا حتى تنكشف عورته وتبدو سوأته
    ويعرف القاصي والداني حقيقته وأن بطولاته مزيفة
    وزعامته مشتراة ومدفوعة الثمن وأنه فريق تافه جدا
    يجب شطبه لأنه سبب انتكاسة الكرة في وطني العزيز
    فالعضو الفاسد يجب بتره والهلال هو راس الفساد والمؤامرة
    على الاندية ذات الصولات والجولات في المشاركات الخارجية
    ومن رفعوا علم المملكة واسمها في مشاركاتهم الخارجية
    لكن الاعلام المأجور واللجان والحكام المحسوبة على المحلي
    حاربت تلك الأندية لأجل المحلي الفاشل خارجيا

  41. الامير عبد الرحمن بن مساعد قال في برنامج كوره انا احس العالميه صعبه قويه وهو رئيس النادي تجي انت ياعبدالكريم وتدافع بشكل غريب

    بالنسبه للاشتاذ منيف ماقال شي غلط وهذا الرجل محترم وياليتك مثله

  42. يا أخواااان النصر جته العالمية وقبله البطولة الخليجية اول ما نظموا البطولات الخليجية والحين العربية يطلبون النصر يا سنااااافر البطولات تجي لنصر بس نصيب وحظ بس المشكلة اللي يرحونه بالغصب على الاندية الاخرى وفي كل سنة يتأهل وبالاخير يسود وجه الرياضه السعودية وبعد ما زالوا رازين انفسهم يا زعيقية اسستحوا على فكرة لقب الزعيم تراه لقب العين الاماراتي ،، انتم اللي لايق عليكم فرقة السنافر ونيفيا ،،

    الرياضة السعودية ما اندمرت غلا من الاعلام العلاي والمنتمين للاتحاد السعودي من مشجعيه من متى كان المنتخب ياكل بالاربعة والخمسسة والستة الا من يوم صفوا السنافر في المنتخب والمنتخب من جفرة بدحديرة يعني بالله اسسطورتكم الدعيع في مبارتي اكل ثمانية صفر وش تبون أكثر من كذا ،،

    ههههههههههههههههه

    اللهم لا شماته ،،

    الهلاليين سووا مقاطعة لشاورما ليش !!!

    لانه صار بـــ 4 ريال

    الجماهير الهلالية حلفت ما تروح لاستاد الملز ليش ،،،

    لانهم قالوا لهم دخول الجماهير الساعة 4 العصر هههههههههههههه

    استطلاع لراي العام يقول اكثر الهلاليين لا يحبون سيارات الدفع الرباعي

    حملة لمقاطعة المشروبات الغاازية بقيادة الهاليين ليش ،،!!!

    لانها اربع اصناااااااااااااف ببسي وشاني وميررندا برتقال وسفن أب

    هلالي متعصب سالوه كم عدد اايام الاسبوع قال ستة قالوا طيب عدهم قال السبت والاحد والاثنين والثلاثاء والخميس والجمعة قالوا له طيب و ليش نسيت الاربعاء فرد باستحياء وقال ليش تجدد جروحي ههههههههههههههههههههه

    سالوا أديب مثقف ماهيي الاربع المستحيلات فقال الغول والعنقاء والخل الوفي وتأهل الهلال للعالمية هههههههههههههههه

    وخيرها بغيرها يالزعيق ههههههههههههه

    نصراوي سالوه متى تحب الييوم الوطني يكون قال احبه يكون يوم الاربعاء عشان نعطل ثلاث ايام ادري الهلاليين بيفهمونه غلط هههههههههه

  43. اعتدر لعدنان حمد الحمادي ونقول له معليش انت رجل ادب و احترام وتقدير معليك من الجاسر مو منه من الهزيمه

  44. انا استغرب من اللي لا ناقة لهم ولا جمل في السالفه
    لكن كبرياء الهلال وعظمته تجعلهم يبحثون عن اخباره سواء كانت جميله او سيئه
    فأنا حقيقه لم اعني نفسي يوما لافتح خبر عن النصر او لاعبيه او حتى جماهيره فما بالك بالمتحدث الاعلامي..!!

  45. مابي ارد لنه الي ردو يكفون وي وفون
    لاكن بقولك يجاسر انضر كيف نسميك
    لاتملي علا الناس ماذا يقولون لنهم لن ينضرو اليك
    لوكنت معتاد لا الجان فهم مغصوبين اما البقيه ليسو كما تفكرفيه
    وكلامك مردود عليك وعقليتك عارفينها من يومها صغيره

  46. طيب يا الجاسر اتركنا من عدنان حمد

    وقلنا وراكم اهزمتوووووووو

    ههههههههههه. يحسبه يبي ينسينا الهزيمه

  47. ياجبيبي يامتسلل الهلال زعيم 6 القاب والتحادما عنده غير بطولتين والاهلي ولا بطوله اسيوية هذا التاريخ جاااااك

  48. بإذن الله يصل الاهلي للعالمية ليكتمل عقد الثلاثة الكبار ( نصر – اتحاد – اهلي ) الحقيقيين في الكرة السعودية , وتبقى الاولوية للعالمي ولازال ( البعض !! ) يفحط سنين !!! فما اجمل ان تكون نصراواويا تنظر مبيتسما من نافذه على الاخرون يتصارعون ويبكون من اجل الوصول لما وصلت إليه

  49. انجاز اي نصراوي صعب بالمحلية هو خسارة الهلال وهذا شي معروف
    لأنهم افتقدو الديربي القوي بالماضي واصبح الهلال يرقعهم بالخمسات ويشقهم شق
    فلذلك ” المحلية صعبة قوية ” وانما العالمية لانريدها مخلينها للواسطات
    ولكن الهلال متمرس على الآسيوية وهو زعيمها ولذلك لدينا سنوات عديدة وانجازات عديدة وبالتالي حنا مانشوفكم شي اصلا ،، التاريخ كتب وسيظل يكتب وراح تشوفون
    ولكن النصر التاريخ سجل ولازال يمحو ههههخخخخخ

  50. اللي يقول أ
    ن الهلال هو الزعيم بتحقيق 53 بطولة محلية و6 اسيوية و 4 عربية الــ 53 بطولة أكثر من نصفها غير مستحق إما بصافرة ظالمة أو بأساليب ملتوية كتفريغ الأندية من نجومها بخشم الريال والسلطة وتحويل المنتخب لمكان نقاهة لمصابي الهلال واحتياطه ليعودوا وهم أكثر جاهزية للمشاركة مع الهلال على حساب منتخب الوطن والآسيوية والعربية ما وصلتوا لها بوجه حق لأن بطولاتكم المحلية التي أوصلتكم للمشاركات الخارجية كانت بالظلم والطرق الملتوية .. فعندما أتى البلوي وواجه أمراء الهلال بقوة الكاش استخدمتوا قوة السلطة ضده ومنعتموه من رئاسة الإتحاد وحتى من دعمه ليخلوا الجو للهلال ولكن الظلم ظلمات ودعوة المظلوم ليس بينها وبين الله حجاب .

  51. الصراحة ان المبارة كشفت جماهير الهلال ( الطواقي )

    تخيل لما جماهيرك بالنعل ترميك وتكسر سيارات اللاعبين تعرف انت عينة هذا الجمهور المخدوع بـ 54 بطولة

    اللي ضحكو عليهم فيها ولو نرجع لها نلاقيها ( بطولة الصداقة وبطولة المصيف وبطولة الخطوط السعودية والموسس وببطولة مكافحة المخدرات ) ومن العيب ذكرها العالم كله لايعترف الا بالكاس والدوري والبطولات القارية كلها في الهلال ماتوصل عشرين ويتكلمون عن النظام القديم في اسياء وقالوا حققنا بطولات ترى القادسية عنده بطولة اسوية لعب مبارتين وخذ كاس اسيا الله على زمان بس مبارتين وكاس
    عموما نركم السنة الجاية ههههههه

  52. يالبى الزعيم
    الهلال ليس نادي اشجعه هو كيان احبه وعشقه
    ومن يشكك في بطولات الزعيم عليه الرجوع لارشيف ناديه
    فالنصرحقق بطولاين هديه من ابراهيم العمر عام ١٤١٥-١٤١٤ وحقق بطولتين باليد
    وعام ١٤٢٥-١٤٢٤ تم انقاذ النصر من الهبوط بواسطه ضربات الجزاء والطرد حيث في موسم واحد حصل النصر ع اكثر من ١٧ ضربه جزاء كان وخاصه المباريات الغير منقوله
    ومازال النصر يستفيد
    ابراهيم العمر نائب رئيس لجنه الحكام حاليا هومن يعين حكام مباريات النص
    العام الماضي تم تصعيد النصر ع حساب الفتح للماراه النهائيه وهي ليست بعيده والكل يذكر احداثها
    وكان من الممكن ان يحقق البطوله لو كان فريق غير الاهلي ايس لمستوى الاههلي ولكن لان الاهلي لديه نفوذ الاهلي اقوى من النصر حاليا
    الاهلي والنصر هما الاكثر استفاده من الحكام وباستطاعه اصحاب النفوذ ان يهدونهم البطولات ولكن سوف ينكشفون امام العالم
    كيف يعطونهم بطولات ولاعبينهم كلهم كديش

  53. واللي يكتب قبل المباراة بان الفريق الكوري سهل ويمكن تجاوزه ويدق خشمك باربعه وبعدها تقول بان الفريق الكوري منظم وترشحه للبطوله بعد مو كذاب يا اخي اذا انت تغالط نفسك بنفسك لا عاد تطلع وتفظح نفسك وناديك لكن هذه عقولكم محدوده جداً وتقدرون تضحكون على السفهاء جماهيركم

  54. مدري بأي حق يتشدق اتلهلاليون بستة بطولات اسيوية .. وينكرون على الاتحاد بأن له بطولتين ..!!

    ابطال الدوري الهلال لم يحقق سوى بطولتين ..
    والباقي كأس وسوبر بطولات ابو ريالين ولذلك الاتحاديون لايحسبون بطولتهم الثالثة لأنها كأس…

    والعالمية صعبة وقــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــوية وموتوا بغيضكم ..!!

  55. حدك 25 يطوله ومتاهل للعالمه بالترشيح ياعم طير رح نم قبل لاتمسخر من الشباب ههههههههههههه هذا زعيم اسيا 6بطولات اسيويه

  56. اقول للأخوان اللي كتبوكل هذه التعليقات الحمدالله بس
    علي نعمه العقل والله انكم مساكين لك ميه سنه هلال نصر
    ولاحددراعنكم وروساءهالناديين بالذات يستخفون بعقولكم
    لانهم شايفينكم حشرات وبدوهمج واخواتنابسورياتنتهك
    اعراضهن من الشيعه وانتم عالمي محلي شي سخيف
    ولانكم مأخذين هالملايين اللي يأخذونهاهالعبيدبسزخساير
    حمدالله بس

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى