الأخبار المحليةالشبابالهلال

الشباب بالصداره بثلاثيه … والفتح يطيح بالهلال بثنائية .. فيديو ..

تصدر الشباب ترتيب فرق دوري زين بعد أن واصل التألق في المباراة الثانية على التوالي بثلاثية ,حيث أستحوذ الشباب على المباراة منذ البداية وسجل أول الاهداف  عن طريق تيقالي بعد جمله تكتيكيه مميزه بين كماتشو وشهيل ليودعها تيقالي مبكراً في الشباك.

الهدف الثاني لم يبتعد كثيراً وسجل تيقالي براسيه من عرضية نفذها كماتشو  من كره ثابته.

الشباب واصل التألق في الشوط الثاني  وسجل الثالث مبكراُ بعد تمريره جميله من ناصر وضعها تيقالي في الشباك هاتريك , ليسير المباراة كيفما أراد ولم يقدم الفيصلي شي سواء هدف من العماني العجمي.

وفي الرياض فجر أبناء فتحي الجبال مفاجئة من العيار الثقيل بعد أن أطاح بالهلال على ملعبة وبين جماهيره.

الفتح الفريق المنظم أستطاع أن يقتل الخطورة الهلالية ويسيطر على وسط الملعب ويفرض خطورته كيفما شاء ,واستطاع تسجيل اول اهدافه عن طريق دوريس سالمو بعد أن أستطاع خطف هدف براسية وسط ارتباك من حارس الهلال ومدافعيه د 41.

الهلال استطاع التعديل مبكرا مع بداية الشوط الاول من إختراق جميل من سلطان البيشي من تمريره من لوبيز وتسديده  عادت له وسجلها في الشباك.

أستطاع الفتح تنظيم صفوفه بعد الهدف المربك الهلال وكثف الوسط  وأعتمد على المرتدات وانطلاقات حمدان الحمدان وحسين المقهوي ,حتى أستطاع موراليس سالمو من جديد من خطف هدف بعد خطا مركب لين الحارس والدفاع الهلالي ليخطفها سالمو ويسددها بكل قوه في الشباك قبيل النهائيه بدقائق.

وزج كومبوارية بالحارثي لمحاولة التعديل وانتقل مانقان من الدفاع الى الهجوم ولكن دون جدوى ,ليعلن حكم المباراة نهايتها ويهتف جمهور الهلال للاعبين الفتح ,في إشاره لعدم رضا على لاعبين الهلال بعد الاخفاق الثاني على التوالي

مقالات ذات صلة

‫44 تعليقات

    1. ما في جديد

      اي مدرب ما ينجح معاكم سميتوه سباك

      دول والاصلع وكومبوارية

      والبقية تأتي
      اقولك
      كل مدربين العالم سباكين و اولهم مدرب مان يونايتد

  1. حرام عليكم. هذا ماهو مدرب مافي اي تنظيم للفريق ..الاعبين تائهين في الملعب..مافي اي هجمه صح كله لعب عشوائي ..رجعوا هاسيك والله كان مدرب ممتاز ..بس عشانه كان يعارض سامي شن عليه البعض هجوم ولا جيبوا مدرب كويس من اوربا الشرقيه ولا زلاتكوا ممتاز ..الدوري ما فيه امل ..وبعدين الاعبين الافارقه مايصلحون يلعبوا سنتر ابد ابد ثقال وبطئين والكنترول سئ ..اه ه ه ياقلبي  

  2. هههههههههههههههههههههههههههههههههههههههههههههههه
    هههههههههههههههههههههههههههههههههههههههههه

    لاعبي الزعيق بعد المباراة في تصريح خاص
    استسهلنا الفتح فألمنا;D;D;D;D;D;D;D;D;D

  3. خخخخخخخخخ

    لاجديد الفتح يفتح النواعم كالعاده

    الفتح صار عقده رسميه للدلال خخخخخخخ

    الموسم الرياضي المنصرم دفهم بثلاثه مع الرافه

    وخلى حتى البرونزيه صعبه قويه

    وهالموسم من اول لقاء هدفين وبرضه مع الرأفه

    قلنا لكم الزعيق بات شبه منتهي

    والمباريات القادمه ستؤكد ان الهلال سيبتعد عن البطولات كالسابق حين ابتعد عنها مايقارب 13 عام

    لاحضوا معي كل ما كان الاعلام والتحكيم صحي ويبتعد عن الميول

    ستجد ان الدلال نادي عادي ونتائجه عاديه جدا

    1. الله يالدنيا ألحين صار الفتح عقدة الهلال ؟؟

      أيه وش عليك نسينا تسدح وتبطح لاعبين فريقك في الملعب إذا تلقموا ؟
      لتذكير فقط :
      هذي المباراة بالذات خلتنا نقول للاعبي الشباب تكفون خلاص يكفي إهانة وذل
      أرجع وشوف وجه البلطان كأنه يقول يا رب تنتهي المباراة وفعلاً لاعبي الشباب حاولوا إضاعة الوقت بكل الطرق وأنتهت مأساوية بـ 6 أهداف مقابل هدف يتيم يعني الفرق 5 أهداف وطيروا الخمسة
      وقتها كانت حرااااااق تتذكرها وإلا كنت نايم وقت المباراة ؟
      ههههههههههههههههههههههه
      ما علينا
      حبيت أوضح لك وأفهمك معنى كلمة الرأفه إلي جالس ترددها

  4. وراح الهلال سفنجةةةةةةةة
    أن ماقدرت تفوز على فرق متوسطة المستوى فكيف بتفوز على الشباب والأهلي والأتحاد
    ايه نسيت دوري أبطال آسيا
    مااقول الا الله يخلف بس

  5. من هالحال واردى يارب
    والله وقرقعوا اهل الاحساء على الزعيم
    المشكله ان نص لعيبة الفتح من منسقي العالمي
    ورفقا بالقوارير
    ودمتم بود ودعوا العالميه لفحولها  

  6. مبروووووك يالشيخ الأنديه العالميه مبروووووك يالليثي الغالي مبروووك يابو الولييييد الله يوفقكم دووووم مبيظين وجيهنا كفو يذياابه مبرووووك لكل مشجع لهذا النادي العرييييق

  7. رئيس الهلال يطالب بعدم لعب المباريات في رمضان بالمواسم المقبله !! قالوا له ليش ؟ قال ياخي الحكام يخافون الله برمضان اكثر ههههههههههههههه

  8. حرام هذا فريق غير منظم يهدر الفرص مدرب مخلي الاعبين علي جوهم خلال الفترة ابغي الريئيس يجتمع مع الاعبين والمدرب

  9. وين هالقواطي اللي مبسوطين اننا تعادلنا مع الفتح
    وقاعدين يستهبلون ومادري كيييف؟؟
    اسمعني يازعيقي زين انتم كلكم مجموعه هياااط
    والمشكله تعرف مين اللي مسخر دفاعاتكم وصنع هدف الفوز؟؟
    هو عدنان فلاته من منسقين العالمي
    تدرون عاد
    لو اقعد اكتب من الحين الى بكرا ماراح تفهمون
    لآنكم ليس الا اطفال انابيب…
    بس ياحبايبي اشربو حليب السعوديه ونامو,,

    1. ياخي أنت قوي مررره كيف صرت قوي ؟؟

      اها عشانك نصراوي صح ؟؟

      يعني بليد وما تحس ولا تستحي على وجهك إلا وسيع وجه

      امس مطرود من النادي وفي المباريات تصيح في المدرجات

      وإذا وصلت البيت هات هياط قال عالمي إلا بسألك يوم كان النصر يلعب مع ريال مدريد كم كان عمرك ؟
      وإلا شايف المباراة فيديوا ؟؟

      كلمة القواطي هذا شيء يدل على شخصيتك وما راح أرد علية

      سالفة الفهم بعد ما ودي أحط بذمتي لكن لو أنت تفهم ما شجعت النصر تدري ليه ؟

      لأنك لو تفهم تشجع أي فريق ولا تصير ملطشة للكل والفتح أذكر إنه لعب فيكم خصوصاً ألتون وإلا ؟

      مع إنك ذكي وفاهم الكفت بس كالعادة إذا مافيه نصراوي تطقطق عليه في الجلسة وإلا ما يكون لها طعم

      1. اسمعني ياحلو ياصغيرون
        ياللي مسوي لي فيها تعرف تتكلم وفاهم؟؟
        *انت تقول النصر يلعب مع ريال مدريد يعني معترف ان النصر وصل للعالميه
        عن طريق ريال مدريد وانتم وقتها تلعبون مع سدوووس.
        يعني اصير افهم لو اشجع محلي واترك العاااالمي
        شفت انك قوطي ومصدي بعد..

    2. ههههههههههههههههههههههه الله يرجكم فتحكم فتح مرتين تنهزمون من الفتح احسكم انبسطتوا ع الفتح ههههههههههههههههههه اه بطني

    3. منسقين العالميههههههه هع
      اقول لاتنسى ان الفتح فتحكم السنة اللي راحت والسنة ذي راح يفتحكم الهلال
      ياليتكم بدال الهذرة الزايدة ومنسقين لاعبين بعد من زين الفريق … ينسق
      ياليتكم استفدتوا منه انتو بحاجة لاعبين بس عشان تعرف انكم ماتدرون وين الله حاطكم
      بس حيلكم وقدرتكم حاطينها على فرق البطولات
      انت وفريقك السكراب

  10. فريق ضايع الدفاع مضروب والوسط كل يمسك الكوره يتوقع انه مايباعد ميسي ( العابد و سالم الدوسري والفريدي وعبدالعزيز) من عشره مباريات يبدعو في مباراة. الي كانو شالين الفريق زمان ويلهامسون ورادوي. اتوقع السنه ماناخذ بصله.

  11. ياحبيبي اتحدا الهلال ياخذ بطوله السنه هذاي

    حده كاس ولي الهعد خمس مباريات

    مع تحيات / نصراوي صميم

    1. على الاقل كأس ولي العهد افضل من عمل المتاحف التاريخية خخخخ

      لاتحشر نفسك بفرق البطولات
      انت داخل هنا بموضوع خاص بالشباب والهلال فرق البطولات والانجازات
      فخلك مع نفسك وصديق نفسك حبيبي

  12. هدف الفتح الاول

    يتحمله ماجد المرشدي وحسن العتيبي

    والهدف الثاني

    يتحمله

    نواف العابد وماجد المرشدي

    والاعبين كلهم والمدرب يتحملون الخساره

    فالهلا ل لم يقدم شي

    والحمد لله ان الخسارة جائت في اول الموسم

    والهلال ماقدم ولو نصف مستواه

    والدفاع ضايع والوسط ضايع

    والهجوم ماتجيهم كور

    والمدرب الخطه مايعرف يسويها

    التشكيله المفروض 4 4 2

    والمحاور 2 ثابتين مايتقدمون

    هرماش ومعه محمد القرني او الغنام

    والوسط الشلهوب والعابد

    والشوط الثاني عبدالعزيز الدوسري

    وسعد الحارثي نزله قبل نهاية المبارة بربع ساعه

    اذا باقي 5 دقايق تنزله وش بيسوي في 5 دقايق لو ماتنزله افضل

    والف الف مبروك للفتح والف مبروك ل الشباب

    وبالتوفيق للهلال والفيصلي في المبارات القادمة

    والهلال يفرق عن المتصدر ب 5 نقاط

    سهله بنجيبه ان شاء الله ونتجاوزهم

    ولكن انتبهوا من التعادلات هي الي رح توقف الفرق
    الهلال والاهلي والاتحاد والاتفاق (المرشحين للبطولة) ونتوقع الفتح يكون من الاربعه الكبار والله اعلم

  13. ونعتذر

    نسينا االليث

    الشباب احد اهم المرشحين للبطولة سقط سهوا

    نعتذر لليوث

    واالشباب من اهم المرشحين للبطوله

  14. كركركركههههههههههههههههههههههههههههههههههههه
    ههههههههههههههههههههههههههههههههههههههههههه
    الفتح يفتح الهلال فتحا

  15. هذا هو مستوى الهلال الحقيقي مايفوز الا بالحظ او التحكيم وتحيه خاصه للهلالي المتعصب
    توفيق الخليفه وكحل عينك بهزايم الهلال هذه السنه واترك عميد النوادي في حاله

    1. اقول فرحان بناديك السنة ذي ؟
      هين اذا حققتوا شي
      انت اللي اترك ، ترى الموضوع عن الهلال والشباب وش جايبك مضيع شارع الحرمية بمكة يبويا
      خلك على نور الوحيد اللي معتمدين عليه وذالكم بعد مخرفنكم صح

  16. لبى الليث بسسسسسسسسسسس

    بنتظاررك يااهلـــــــــــــــــــيي

    لازم نعيد عليك بسته وانسحاب كالعاااااااااااااااااااااااااااده

  17. هههههههههههههههههههه ايي

    الفتح فتتح نادي آلنوواعم يااي هههههههههههههههااي

    وبعدين تعال ي اللي تقول احد المرشحين للدوري ؟

    تقولي آلهلال وآلاتفآق هاه ؟

    مفروض ي حلو تقول آلشبآب + آلاتحاد + آلاهلي + …

    آلهلال وآلاتفآق يحلمون ههههههه
    بنآت آلثآنويه

  18. I simply want to mention I am just very new to blogging and site-building and actually liked this blog. Likely I’m planning to bookmark your website . You certainly have exceptional well written articles. Thanks for revealing your webpage.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى