الأخبار المحليةالإتحادالهلال

الفريدي يوقع للإتحاد 5 سنوات بـ 40 مليون ريال

تشير الأنباء ( غير المؤكدة حتى الأن ) إلى أن أحمد الفريدي لاعب خط وسط فريق الهلال وقع ظهر اليوم الأربعاء عقداً رسمياً ينتقل بموجبه لفريق الاتحاد .

واكدت مصادر مطلعة في نادي الاتحاد ان عقد الفريدي يمتد لخمس سنوات مقابل 40 مليون ريال أي بما يعادل  8 ملايين ريال للموسم الواحد .

وكان مندوب الاتحاد قد توجه إلى الرياض للتوقيع مع اللاعب بعد تعثر مفاوضات الهلال للتجديد مع اللاعب ، وتكللت مفاوضاته بالنجاح في نهاية المطاف .

يذكران الفريدي دخل الفترة الحرة من عقده مع الهلال ، ويحق  له التفاوض والانتقال لاي نادٍ آخر دون الرجوع لناديه  .

ووصلت العلاقة بين الفريدي وادارة ناديه الى  خط النهاية بعدما رفض اللاعب التوقيع مقابل خمسة ملايين ريال في الموسم الواحد ، وطلب رفع قيمة العقد مقابل التجديد الا ان  الأمير عبد الرحمن بن مساعد رئيس الهلال رفض رفع العرض الهلالي للفريدي ولو ريالاً واحداً.

وننتظر صدور البيان الرسمى من نادى الاتحاد حول هذا الموضوع.

مقالات ذات صلة

‫83 تعليقات

  1. اقسم بالله اني هلالي واني مبسوط ان الفريدي رحل عن الهلال ..من عافنا عفناه لو كان غالي. ويارب يكون الخبر صحيح ونفتك .. ما فيه لاعب اهم من الكيان

        1. صادق يا الشمري هاذا ازين خبر خل الاعب يستفيد ماديا اما بخصوص مستواه فهو يلعب مباراة وخمس مستواه نازل لذا الله يوفقه ولكن لن يفيد الاتحاد والموعد قدام الهلال منجم من المواهب ولا يتوقف على لاعب هاذا الفرق بين الهلال والانديه الاخرى

    1. السلام عليكم.
      اولاً. انا هلالي وكنت اتمناء من الاداره الهلاليه المحافظه على نجوم الفريق
      خرج شافي وبعده اذا كان الكلام صحيح الفريدي
      ويبقون على بعض اللعبين الذين هم عاله على الفريق وماهو لازم اذكر اسماهم انتم عارفينهم
      اي تخبط هاذا
      مدرب لايثبت على تشكيله معينه واداره كثرة تخبطاتها ف الى اين يتجه الهلال
      هاذا السوال الاهم الذي يجب ان نبحث عنه

      واخيراً. وللمعلوميه فقط لااضن الفريدي ينتقل من الهلال لان اعضاء الشرف بدو بالتحرك لتوفير المبلغ ورفع قيمة العقد

      ولانضحك على انفسنا ونقول انه لاعب مو مهم انتم تشوفون اذا دخل المباراة كيف يغير فيها.

      والسلام عليكم.

  2. مع نفسه

    والله انو عاله عالهلال

    لايضرب بالراس ولا سرعه ولا يسدد كور من خارج ال18 ولا يركب كور ثابته

    صحيح انو مهاري وغير كذى وش سوا والله انو الهلاليين عطوه اكبر من حجمه

    1. كذا انتم يالهلاليين اذا طلع من عنكم لاعب سلختوه وانكم ماتبونه وهذا دليل على قهركم وهذا مافعلتوه لما طلع المحياني وغيره
      اعترفوا انكم نادمون ومقهرون عليه مافيها شي

  3. بصراحه مافي مقارنه مع يحيى الشهري لاعب الاتفاق او نواف العابد

    هذى ماله مكان من الاساس بين نجوم الهلال ارحل ارحل اخرج

  4. لا اعتقد انه خبرا صحيح
    نادي الاتحاد مثقل بالديون التي وصلت الي ٥١ مليون ريال وهو عاجز عن اعطاء اللاعب سوزا حقوقه فكيف له بصفقه ٣٠ مليون =))

  5. اللاعب ماعليه كلام رغم البرود والذي ينتابه في الكثير من المباريات .. اللاعب انحدر مستواه وفكره اكثر بعد التوقيع مع سلطان البلوي !! .. عندما وقع مع هذا الوكيل بالذات ايقنت بأن الفريدي لايصلح للزعيم بعد الان .. نرجع للسي في تبع اللاعب منذو انضمامه للفريق الاول وحتى نهاية اخر مباراة لعبها .. لم يحسم مباراه مهمه لم يقدم كصانع لعب خلال السنوات القصيرة الماضيه مايوازي كل هذا المبلغ والذي تظل ارزاق بلاشك واذا نظرنا لعدد اهدافه وعدد صناعته للعب لايوازي اي لاعب اخر كالشلهوب مثلآ .. نيفييز في موسم قدم مالم يقدمه الفريدي خلال الاربع سنوات الماضيه من ناحية الاهداف والصناعه مجتمعه !! بالنهاية الزعيم لن ولم يتأثر بأذن الله برحيله وان بقى برضو يظل خيار رائع ولكن ليس مميز فمستواه اقل من مستوى العابد بنظري ونظر الكثير !! فالعابد مثلآ سريع ورجل قوية وصانع لعب ومتمركز رائع !! اذن هناك لاعبين ينتقلون يتألم الشخص بأنتقاله وهناك لاعبون ينتقلون وتفرح له ولفريقه .. بالضبط في الجزئيه الاخيره ما اشعر بها تجاه هذا اللاعب الغير مجدي اساسآ بعد مداخلاته ومسواماته وتوقيعه لوكيله والذي يعتبر بنظري هو الوحيد والذي ادار الفريدي والذي لم يدر الفريدي نفسه بنفسه .. بالتوفيق لزعيم وملكي اسيا سواء ٍ ذهب الفريدي للأتحاد او للأهلى !!!

  6. الله يوفق الفريدي الى اي نادي يروح له المهم انه ما يجدد للهلال لان مستواه نازل ونحن الهلاليين نبغى نادي ثاني يكرمه ويستفيد ماديا

    1. بسم الله الرحمن الرحيم : اسمع انا ماادعي عليك الا لانك انت تستهزى بالمسلمين وتوصفهم بطح…… والله سبحانه يقول فى محكم اياته (لقد خلقنا الانسان فى احسن تقويم) وخذها منى نصيحه انا ونت رايحين نقف اما الله عزوجل وسنسأل عن كل شي اتق الله وغير نكك واعلم انها كوره جلد منفوخ ماتستاهل تسأل بسببها من الله عزوجل عن اصرارك عن تسميه خلق من خلق الله اتق الله وغير نكك والله يوفق الجميع لكل مايحب ويرضى

      1. اقول انت يا الكبيسي ليه ما تروح تنصح جماهير الاهلي الى يكتبون نك ضد الهلال والاتحاد ونت عارف وتقراء ولا مره نصحتهم تعرف ليش لانك طحلبي مثلهم الى يبغى الخير اول شي يبداء ببيته ثم الاخرين ماهو تبغى تنصح الاخرين يعتدلون واهل بيته رقصات اقول ضف وجهك عني ترك ثقيل طينه واذا دعيت ترى بندعو عليك هنا وفي تالي الليل ايه المريض على بالك شيج الصفحه ونت طحلبي مسياري ولن اترككم ايه الطحالب حتى تقلعو عن اوصافكم القبيحه للهلال انصح جماهيرك واذا ما لقيت اي اساءه للهلال مستعد اغير النك تقدر يالله ورنا شطارتك ورد على

  7. طيب الهلايين عطوك يالخمة 6 ملايين في السنة ورفضت ..

    بس الحمدلله اللي فكنا منك ومن برودك يا ثنيان زمانك ..

    ومبرووووك للاتحاديين والله يعين على الضغط اللي بيجيهم ..

  8. كيف يكون الخبر صحيحاً .. والإتحاد مديون بخمسين مليون .. كما قال رئيسه قبل يومين ؟

  9. حلوا لو يستخدام معة الاحتراف بحق وحقيقة لنه يبيلة
    رائيس شديد ومدير كرة فاهم الاعلاقات مع الاعيبة
    ابي اعرف ال30 مليون تشمل الرواتب والا الرواتب غير
    هذا شغل الشيخ الماسي لله دارك خلي شغلك تحتاني
    وراجع عشيقك الي بطولاتة وصولاتة اسيويا وعالميا
    عشان يتذكروا ان الاتحاد على كل لسان مع السان

  10. مبروك والله يوفقه مع إني هلالي ألا اني تمنيت أنه يوقع لغير الهلال لأن مستواه أنخفض بشكل ملحوظ في الفترة السابقة

  11. كتب توفيق الخليفه
    قبل شهرين ان احمد نصراوي
    با ٤٠ مليون
    وذكر ان الايام بيننا
    والان يسرد الخبر الحصريد

    من نصدق توفيق الامس
    ام اليوم

  12. الحمد لله الذي أراحنا من هذا اللاعب كنت أنتظر هذه اللحظه بفارغ الصبر (فكه من الفريدي غنيمه) إن شاء الله يكون الخبر صحيح

      1. مشكلتك يا معاذ ما تابعت الفريدي لاعب يرفع الظغط والايام بيننا لكن الاتحاد تخوبر فيه مبلغ كبير للمعلومية الفريدي ما يستحق سوى مليون في السنة وبس انا كنت معارض الامير عبدالرحمن على المبلغ المرصود له وقلت ما يستحقه خلوه يروح بتشوفون والايام بيننا

  13. مبروووك للإتحاد الصفقه والعميد في عز ضعفه وفي قمة مشاكله فريق لا يقهر فما بالك في كاما جاهزيته وبإمتلاكه مدرب ولاعبين أبطال
    بلا شك سيكونون نمور جريحه لا تقهر

  14. احمد الفريدي لاعب متميز في كل عشر مباريات وحده والباقي بارد فيها و طلع هو لا يجيد صناعة الاعب للاسف عنده مهاره بدون صناعة لعب

  15. لآ تكفووووووون لآ تقولون
    آن طلع آلخبر صدق فـ على آلهميد آلسسلآم
    آلحين فريقه يبون آلفكه منه عشآن بردوه
    ويجي للعميد ويزيد آلطين بله

    آتمنى آتمنى آتمنى مآ يجججي وربي ليصير عآله على فريقنآآآ

    1. لا تقسم بالله انا اسالك هل يستاهل الفريدي 6 مليون في السنة حدث العاقل بما يعقل وانا استغرب من الجماهير الهلالية الهجوم على الادارة يااخوان الادارة الهلالية مؤتمنة ويوجد لاعبون مميزون وافضل من الفريدي طيب في حالة ان الادارة لبت طلب الفريدي كم راح يطلب سلمان الفرج ونواف العابد وعبدالعزيز الدوسري وهم يلعبون اكثر من الفريدي المسالة يااخوان ان الفريدي يلوي ذراع الادارة الهلالية وهو مايستحق المبلغ اللي طالبه وبالنسبة للاتحاديين صدقوني نهاية هذا النادي الدرجة الاولى النادي غرقااااااان ديون وعليه شكاوي مالذ وطاب وهو اللي فتح النار على نفسه بالتوفيق للفريدي وبالتوفيق للهلال ولله يستر عليك يااتحاد جنيت على نفسك

      1. الرزاق في السما والحاسد في الارض .. وانت وش لك فيه .. ان شاءالله ياخذ ريال واحد .. زوجته انت عشان تعد قروشه … اعوذ بالله من بعض البشر !!

  16. ان كان الخبر صحيح فالله يوفقه والمسالة عرض وطلب انا اقف في صف الادارة الهلالية في تمسكها في عرضها وبالنسبة للاتحاد فهو يواصل مسلسل التخبطات الادارية وصدقوني نهاية النادي هبوط للدرجة الاولى وفي نفس الوقت راح تفتح جبهة حرب ماهم قدها امام الادارة الهلالية وفي النهاية يامعشر الهلال اتمنى ان تقفوا مع الادارة في السراء والضراء فالهلال في ايدي امينة

  17. راح الثنيان و سامي و نواف ولا تاثر الهلال
    بالتوفيق للفريدي و ان شاء الله الاخبار صحيحة
    و نرتاح من هذا الموشح المزعج

  18. معقولة يالاتي الحين ضيعنا بطولة اسياء علشان حقوق لاعب وجبتوا لنا المشاكل ولاعطيتوا اللعيبة
    حقوقهم وبعدين تفاجئونا بالفريدي ابي اعرف جبتم الفريدي على اساس انه بيفيد الفريق
    ولا على اساس عند في الهلال صراحة اربعين مليون كثيرة عليه صحيح لاعب مميز بس موبهذي القيمة

  19. هههههههههههههههههههههههههههههه والله شي مضحك اللحين مرفوعه شكوى للفيفا على الأتحاد واليوم يقدم عرض والله ما يجيلي وجه اقدم عرض لأي لاعب فــ مبالك الفريدي يعني راح يخلي الأتحاد يزيد من موارد الشروخ والصواريخ والألعاب الناريه على الكورنيش كي يوفي ربع المبلغ بالتوفيق لنادي واللاعب وكاتب الخبر ؟؟؟؟؟ هــــــــع

  20. اكثر من 1.5 مليون في السنه خطأ وخطأ كبير هذا على اعتبار انه من افضل اللاعبين في السعوديه ….!!!

    يجب ان ندرس ملفات عقود اللاعبين ومراجعة وضع فريقه مع وضع المنتخب مع وضع الكره السعوديه بشكل عام …

    انا اشوف لا يوجد لاعب يستاهل في السنه اكثر من 2 مليون شامله كل شيء ….

  21. تنبيه: غير معروف
  22. ماهو معروف هو أن الاتحاد مديون ولديه مشكلة مع اللاعب سوزا وقد أعفي من شرط تسديد الديون عندما سجل اللاعبين في فترة التسجيل السابقة ولكن يتعاقد بمبلغ 40 مليون من الفريدي فهذا شئ ليس بالمؤكد ولا يؤخذ على محمل الجد.

  23. الفريدي لايصلح للاتحاد.الفريدي موهبة فذه وامكاتيات غير عادية ولكن لاانظلاطيته ولا مبالاته وبرودة وانانيته تجعله لايصلح لفريق يغلي وجمهوره يغلي

  24. الفريدي لن يعلب في جده
    واذا لعب في جده اكيد راحت علي نومه

    ملاحظه فقط
    (الهلال صنع الفريدي والهلال سوف يصنع افضل من الفريدي بي مراحل )

  25. بصراحه كفو يا عبدالرحمن بن مساعد اما بالنسبه للاتحاد سترون ان صح الخبر مدى تاثير هذا المبلغ على الاخرين

  26. اولا مواصفات لاعب الهلال احمد الفريدي ليس متوفره فيه لاعب الاتحاد وغير مقبول لان الاتحاد يبحث عن الجزارين قبل الكتيك ثانيا سوف يكون نادم مثل النجوم الدين دهبو من الهلال الى الاتحاد مادا كان مصيرهم وايضا النجوم مثل السويد والقهوجي من الاهلي المبدعين في انديتهم السابقه اين هم الان واين مستقبلهم الفريدي ادا كان رويته المبلغ فيتدكر سوزاء مادا قدمو له وكيف تراجع مستواه الاتحاد لايرغب المراوغه والتكتيك هو يريد الشخص المتهور مثل ابراهيم هزازي ويكون اعداره مدروسه ومدعومه من اعلام الاتحاد فادا يريد انهاء مشواره الرياضي يدهب للاتحاد دهبو اصحاب العطاء ولم يبقى الا اصحاب الشاورماء والشحاده فدا اردة الدهاب من النادي الكبير مثل الهلال فاختر النادي الدي يليق بعطائك وانت تحضي بحفظ حقوقك اندارقبلك نور سوف يطيرك مثل ما طير سوزاء فانت الان في الهلال حر بعد دهاب سامي الدي لايختلف عن محمد نور لقتل النجوم بجوارهم والمعنى واحد وبقائك افضل وادا حصل لك طلب من النصر اوالشباب او الاهلي فيكون افضل وسوف تتدكر دلك بعد الانتقال

    1. صحيح الاتحاد نادي شاورما و هي نعمة من الله عز وجل لا ينكر نعمته الا جاحد بفضلها و الاتحاد فريق يعتمد على تبرعات التجار و التاجر لا يضع امواله بشكل كبير اما الاندية الاخرى فهي ترضع من البترول فلو وضع ٢٠٠ مليون فلن يهمه ، اما النجوم فنجمنا محمد الخليوي ذهب من عندنا لكم و انتهى مستقبله هناك هو ومحمد السويد و عبدالله الجمعان و صحيح العالمية صعبة قوووية .

  27. اللهم لك الحمد..قسم بالله من احلى الاخبار التي سمعتها..الفريدي؟؟لم يقدم ماقدمه سلمان الفرج او العابد اوالدوسري من روح وقتاليه في الملعب,.الف مبروك لجمهور الملكي رحيل الفريدي واتمنى ياخذون المرشدي والزوري معه هديه.شكرا للاداره التي ثبتت على موقفها والجمهور معك.فالملكي لايتوقف على اي لاعب,.رحل رادوي الذي افضل منه بمليون مره

  28. كلام فاضي يابني دلال
    الفريدي نجم كبير واللي يأكد كلامي ان اللاعب عرضتوا عليه 5مليون ورفض .. وش يدل عليه عرضكم؟
    لانكم ما عطيتوه حقه وقيمته الحقيقية
    تستاهل يافريدي
    كنت اتمنى انتقاله للعالمي لكن .. الله يوفقه في اي نادي

  29. اخيراً
    يارب لك الحمد والشكر
    والله احلى خبر
    اخيراً افتكينا منه
    الزعيم بدونه أفضل بإذن الله وماوقف على الفريدي او غيره ولن يقف بإذن الله
    روح للاتحاد وراح تشوف الفرق وتندم يا أحمد
    عقبال الهرماش ومانجان والكوري
    الهلال فاقد للروح بسبب هالفريدي ماصدقنا قضينا منه اشغلنا الله يشغله
    وألف مبروك للزعماء رحيل الدلوعة احمد الفريدي اللي الكل كان يقف ضد سامي الجابر ويختلق المشاكل بسببه
    هاهوا يثبت العكس لهم بالضبط مثل ماصار مع خالد عزيز
    والكل كان يتهم سامي وسامي منهم براء

  30. خخخخخ حتى الان قريت مره ٢٨ مليون وبعدين ٣٢ مليون والان ٤٠ مليون
    ايش هو مزاد ! احاف على بكره بيوصل ٥٠ مليون
    الكلام شبعانين منه نبي شي على ارض الواقع .

  31. اللاعب مميز ومهاري

    ولكن ادارة الهلال تشتغل على نظام الهواية
    وناسية انها في زمن الاحتراف والملاليين

    بخيلة ما تبي تدفع للنجوم اكيد راح يرحلون من عندها

  32. السلام عليكم
    بنسبه اللي يقول ارتحنا من اللاعب احمد الفريدي اقول لكم انت تكذب ع نفسك احمد لاعب مؤثر في فريق الهلال يصنع الفرق في كل مباره بس الاداره ماتعاملت معاه بشكل الصحيح في كل مباره يكون في الاحطياط وانا هلالي اقول ضاع منكم ياهلال صانع الاعاب اما احمد الفريدي راح يبدع في الاتحاد راح يصنع الفرق بنسبه اللي يقول الاعب بارد تشوفون كيف يبدع في فريق الاتحاد وانا من راي انو احمد الفريدي انو لاعب ذكي ومميز مو لاعب بارد اتحدى لاعب مثل احمد الفردي يصنع الفرق في المباريات

  33. منصور اليلوي (البعبع ) يسلم على جميع منسوبي ناديي الهلال والاهلي ويتمنى لهم رحلة موفقة وحياة سعيدة مع انديتهم ورجاء من بعض رؤساء الاندية ممنوع البكاء منعا باتا ون الرؤساء الاخرين ممنوع التكليج عند ذكر اسم البعبع

  34. اقول والله مقهورين يالهلاليين
    اولا انتقال اسامه هوساوي للاهلي
    ثانيا احمد الفريدي للعميد
    مبروك لكل الجماهير الاتحاديه

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى