انتقادات في الشورى : ريكارد يتقاضى مرتب 10 وزراء سعوديين
انتقد عضو في مجلس الشورى السعودي، أمس، الهدر للمال العام من قبل الرئاسة العامة لرعاية الشباب، كاشفاً أن ما يتقاضاه الهولندي ريكارد مدرب المنتخب الأول لكرة القدم شهرياً يعادل راتب عشرة وزراء سعوديين.
أتى ذلك خلال مناقشة المجلس تقرير لجنة الشؤون الاجتماعية والأسرة والشباب بشأن التقريرين السنويين لـ “رعاية الشباب” للعامين الماليين 1430/1431هـ – 1431/1432هـ.
وأبدى أعضاء في مجلس الشورى، أمس، عدم اقتناعهم بالمبررات التي ساقتها الرئاسة العامة لرعاية الشباب بشأن الإخفاقات وتدني التصنيف والإنجاز لمنتخبات المملكة في مختلف الألعاب الرياضية، خاصة كرة القدم في المشاركات الدولية، التي حدّدتها بضعف الإمكانات المالية مستشهدين بالكثير من الاتحادات الرياضية التي نافست المملكة في المشاركات الدولية، وهي أقل قدرة مالية مما خصص للرئاسة، إلى جانب أنها تأتي في الوقت الذي تبين التقارير عدم صرف “رعاية الشباب” في الأساس كامل اعتمادات الميزانية المخصّصة لها، وهو الأمر الذي يؤكد أن المشكلة تتجاوز الإمكانات المالية إلى أمور إدارية وفنية تجب معالجتها.
وشدّد بعض الأعضاء على “رعاية الشباب”، بضرورة الإسراع في خطوات التخصيص للأندية الرياضية بدلاً من المطالبة بزيادة المخصّصات المالية، مشيرين إلى أن الرياضة تعتبر من قنوات الاستثمار في كثير من دول العالم التي تحقق إيرادات ضخمة ويتم فرض ضرائب عليها باعتبارها أصبحت من الموارد المالية المهمة للدولة وليست عبئاً عليها، كما هو الحاصل في السعودية، حيث تتحمّل الدولة 100 في المائة من مصروفاتها.
طيب مآفيه مشكله خلونآ نقول يستلم , حق وزير وآحد / حقوق آلتسع وزرآء تبون تتصدقون فيهآ لليتآمى وآلمحتآجين وآلفقرآء في آلسعوديه ؟
حلال عليه , مادام المال ضايع ضايع اصلا !!!.
على الاقل نشوفه بعيونا يشتغل ويحاول يسوي شي حتى لو انه يمثل .
بينما وزرائنا المبجلون كانهم خشب مسنده ما وراهم فايده لاحد ويعملون لانفسهم ولعوايلهم.
عمركم شفتو وزير يمشي في الشارع لحل قضيه او حتى للفشخره ؟ مستحيل الشر برا وبعيد تف تف تف.
يعني الشورى هم اللي يشتغلون !!!!!!
مساكين الشورى رواتبهم ضعيييييفه عشان كذا يلهطون اراضي ومخططات وعيديات وبدلات وتذاكر طيران مجانيه فرست كلاس وسيارات خاصه واذا راحو سياحه عائليه محفولين مكفولين ما يدفعون ولا فلس .
أقول أنا ودي أعرف وش وظيفتكم بالضبط غير السواليف وش صار على بدل السكن ؟ ودخل المواطن السعودي ومشكلة الفقر في البلاد أجل سعوديين يعيشون في صناديق شينكو وبلاكاش ونسبة البطالة في إزدياد وخيرنا لغيرنا ؟؟!!
طيب ممكن نشوف حل للطلاب في الأردن مع العلم بأننا بنينا لهم مدينة سكنيةونحن نسكن في أجار ؟ والديون تحيط بنا من كل جانب ؟
أتركوا الكورة وحلوا مشاكلنا الحقيقية
وانت تتقاضي راتب مية جندي على الحدود ياباشا
والفايده منك صفر
ريكارد هذا للي مو عاجبكم يشتغل ,,
مو انتم للي لكم سنين ولا استفدنا منكم غير الكلام حتى الحريم صاروا افضل منكم ..
خلوا عمكم ريكارد يشتغل على كيفه ومزاجه ..
من زين شغلكم الحين , صدق لا قالوا شين وقوة عين .
اقول على طاري الشورى متى تشارك المرأة والله انها افضل من الف شنب جالس ويشاخر في مجلس الشاورما
ههههههههههههههههههههههههههههههههههههههههههه
اخيرا مجلس الغفلة نطق و يا ليتهم ما نطقو وزاراء ما عندهم دم بدال ما يحسدون ريكارد حل مشاكل المواطن يا معفن انت وياه و حلال على ريكارد على الاقل الرجل يحاول يشتغل و يصنع فريق اما انتم في غير طقاع و نوم و النتيجة صفر
ريكـآآرد يسستلم تقريبـآآ
11 مليون ريالـ ششهريا
اي مايعادل في السسنه 135 مئة مليون ريالـ
135 مئة مليون ريال كافيه لي 20 الف موظف براتب 6 الاف ريال
:)واصصلي يا بلادي وحنا ورآآآآك 🙂
راتب مدرب المنتخب ريكارد 2.5 مليون يورو في السنة
واليورو اليوم ب 5.4371 ريال
يعني
2.5 ضرب 5.4371= 13592750 ريال
في السنة !
والسنة 12 شهر
يعني في الشهر راتبة = 1132729 ريال
والشهر 30 يوم
وبالتالي راتبة في اليوم = 37757 ريال
واليوم 24 ساعه
يعني راتبة في الساعه = 1573.23 ريال
وفي الدقيقة
راتبة = 26.22 ريال
الوزراء زعلو عششانه اكل حق 10 منهم
لكن مازعلو يوم الششعب كله ماكول ححقه 🙁
رواتب ١٠ وزراء
صحيح طبعا الراتب الاساسي فقط ..!!
ولكن فائدة افضل من ١٠ وزراء ..
لأن هناك وزراء نسوا انهم مواطنون .. وذلك من طول المكوث على الكرسي حتى ظن انه ولد وزير وسيموت وزير ..
المدرب عالمي يعني ويش تبون يستلم 3500 ريال ولا يمقن جايبنه من الشارع والله تخلف
لو وصل راتب المدرب الكثر من المعلن مو مشكله يفداه
انتم يا الوزراء سرقتو لين قلتو امين وامنتو مستقبل اولاد اولاد اولاد اولاد احفادكم
اراضي مخططات وظايف
والشعب لم تقدمو له اي شيئ
ريكارد على الاقل قدم لنا منتخب فاز على تايلاند ههه يعني سوى شي انتم وش سويتو لو الود ودكم قللتو الرواتب وحولتوها لحسابكم الشخصي !!
رسالة الى رئيس مجلس الشورى.
السلام على من أتبع الهدى و خدم بلاده
انتوا ماهمكم المال العام و لا مال السنه هع أمزح, أنتوا الي باط قلبكم أنه يستلم أكثر منكم و الي تبون تظهروه للملك انكم وفرتوا في الميزانيه أحب أقول لكم تعب الشعب و هو يصيبر عليكم تدرون ليه لأن طفح الكيل ولازم تعترفون أنكم بس ديكور و أنكم ضد الوطن و المواطن.
أرجوا النشر
أحذروا يا شرذمة العرب من شر يوم قد أقترب الويل ثم الويل لكل من نهب خيرات هذا البلد
هو يعني يقولون يا وجهه استح
رايكارد يشتغل يحلل راتبه مدرب اجنبي له وزنه في عالم الكوره ويكفي انه درب اكبر انديه العالم
يعني شهادته منه وفيه وفي بعض الوزراء كلمتين على بعض ما يركبها ولا ندري شوو مصدر شهادته
اضافه الي كل المميزات لا تشمل الا نفسه واقاربه فقط اما للشعب لا نرى حتى القليل منهم
ياالله صراحة ترحمون ياللي في مجلس الشورى تشتغلون ليل نهار ولا تاخذون الا طفسه ياليتك حطيت رقم حسابك عشان نتصدق عليك
ربما يكون يكون راتبه يساوي راتب عشر وزراء
لكن ألم ينتبه العضو أن الوزير يسرق ما يساوي عشر أضعاف ريكارد و أكثر؟
ربما يكون راتبه يساوي راتب عشر وزراء
لكن ألم ينتبه العضو أن الوزير يسرق ما يساوي عشر أضعاف راتب ريكارد و أكثر؟
هذى مدرب ونشوفه ونعرف وش يسوي لكن انتم يالوزراء وش عرفنا انتم وش تسوون مغير لف ذا الكراسي وسفريات كل آخر عام لخارج الدوله سياحه وغير وغير وحنا ياحافظ مالنا إلا بنك الراجحي يتصدق علينا بقروض ويمسح بظهورنا على الارصفه معلقنا من رجلينا وخذلك تسحب .. والله حاله والحين جايين للضعيف خلوه ياكل مالعالم كلها تاكل وحنا شايفين وساكتين
سبحان الله
الحين ما انتبهتو إلا لراتب ريكارد
يعني هو الوحيد الي راتبه فيه شبهة اهدار المال العام .. على الرغم من أنه اسعار المدربين المغمورين يعتبر موازي لراتب ريكارد تقريبا
طيب كم راتب الوزير ألأساسي غير البدلات والإنتدابات والشرهات والمصروفات حقت ألأولاد والبنات والخادمات والسيارات والسفريات والتمشيات