الأخبار المحليةالأهليالإتفاقالنصر

صراع شبابي نصراوي أهلاوي .. حول لاعبي الاتفاق يحي الشهري وحمد الحمد

خاص – تواجه ادارة نادي الاتفاق حالياً سيلا من العروض للعبيها يحي الشهري وحمد الحمد , حيث يسعى الشباب والنصر والاهلي للحصول على خدمات الاول اللاعب يحي الشهري الذي تشير مصادر صحيفة الجماهير ان الشباب تقدم بعرض للاتفاق يعتبرالاقوى بين عروض الاندية الثلاثة يتضمن اعارة محترفة الاوزبكي جيبروف لمدة موسم بالاضافة للحارس الدولي حسين شيعان الذي يرغب به الاتفاقيون كثيراً مع عرض مادي يفوق الـ 10 ملايين مقابل الانتقال النهائي للاعب يحي الشهري للشباب , كما ان الاهلي ايضاً تقدم بعرض مالي يبلغ الـ 20 مليون ريال للحصول على خدمات الاعب لاربعة مواسم , وبدوره تقدم النصر بعرض يفوق الـ 20 مليون ريال لادارة الاتفاق مقابل انتقال يحي الشهري لصفوفه وفي حالة عدم رغبة ادارة الاتفاق بالتفريط بالاعب عبر بيع عقده عرضت الادارة النصراوية على الجانب الاتفاقي فكرة اعارته  لموسم واحد مقابل عرض مالي كبير ومناسب .

ومن جهة اخرى دخل الاعب حمد الحمد ايضاً دائرة اهتمام ناديي النصر والاهلي وذلك برغبة كبيرة من الطرفين للحصول على خدماته للموسم الرياضي المقبل عن طريق المفاوضات المباشرة مع ادارة الاتفاق حيث انه يتبقى للاعب سنتين بعقده معهم.

الجدير بالذكر ان ادارة الاتفاق حتى الان لم تقرر اي العروض من الاندية الثلاثة تقبل رغم حاجة خزينتها للعائد المادي وذلك لتعزيز صفوفه بما يحتاج الفريق باكثر من خانه خصوصاً استقطاب مهاجم اجنبي بديل للارجنتيني تيقالي الذي انتقل موخراً لفريق الشباب , بالاضافة الى ان الفريق الاتفاقي تنتظره المشاركة بدور الـ 16 في كاس الاتحاد الاسيوي الذي يعد الاتفاق من ابرز المرشحين لنيله.

مقالات ذات صلة

‫25 تعليقات

  1. يحيى الشهري لاعب ممتاز وان شاء الله للملكي اللاعب يبحث عن الاستقرار والجماهير وهذي كلها متوفره في الاهلي عكس النادي المخطط لاجمهور ولا ادارة ولا اعلام

  2. والله مشكلة بصراحة عروض قوية ولكن المشكلة اذا انتقل هذين اللاعبين سيكون هناك فراغ كبير صعب ان يسد و ستصرف هذه المبالغ لسد هتين الخانتين

    واتمنى من الاتفاق في حال اراد البيع استلام مبالغه نقدا و كاملة حتى لا يلدغ كما حصل معه من قبل

  3. اما النصر يصارع الفرق الاخرى ضحكتني من جد ممكن يصارع فرق المؤخره لكن يصارع الهوامير قووويه

  4. بالنسبه لحمد الحمد اتمناه هلالي ونصيحه لهم الاثنين بان لا يدهورون انفسهم ويلتحقون ببني فقرون ويضيعون انفسهم مثل عبدالرحمن القحطاني وكل من انضم لهم الموسم الماضي والي قبله اما للشباب او الاهلي معقوله

  5. عرض النادي الاهلي الاقوى ,
    من مصادري الخاصة التي ذكرت لكم ان عماد اهلاوي حينما ذكرتوا ان صحفيا نصراوي دخل على سير المفاوضات 😀

    عرض الاهلي الاقوى وليس باستطاعة الشباب ابدا او حتى النصر ولو اجتمع الاثنان معا مجابهته 🙂

    العرض عبارة عن … ولا تدري يا صاحب الخاص
    ابحث عنه وان ما لقيته بامكان التواصل معي عبر الايميل ,, لك 24 ساعة للبحث ثم اسأل عنه 🙂

  6. باختصار برودوم والبلطان اذا حطو الشهري براسهم يجيبونه بإذنه الله.
    وحبايبنا الاتفاقيين علاقتنا معهم في التعاقدات معروفه وواضحه ودائماً ماتكون تعاقداتنا تهتم بمصلحة الطرفين وليس مصلحه ماديه فقط.
    ونشوف …. 🙂

  7. خذها من العضو الفخري طرطشلي باشا

    العالمي لم يدخل على الخط مع فريقي الاهلي والشباب
    لان الخزينه النصراويه خاويه حاليا ويالله السلامه ونخلص مع الاجانب !!!

  8. كان راح للأهلي او النصر عز الله ضاعو !!!!!!

    والله انصحهم يروحون للشباب النادي الاحترافي الوحيد بالسعوديه

  9. اذا ودك بالثبات في تشكيلة المنتخب وكلها كم هدف وتصير اسطوره خل هالثلاثه كلهم وروح الدلال

    واذا ودك تنام كل ليله وانت شبعان وتشرب غازات تهضم فيها البروست روح لنادي الشباشب

    واذا ودك تصير نجم كروي عالمي أو راقي وله تاريخ محترم ويشار اليه بالبنان عبر الازمان حتى ولو لم تحظى بالماده او الاعلام فلك حرية الخيار بين النصر او الاهلي!

    1. اذا يبي يكون يرغي كثير يعني راغي يروح للمستنقع حكام ومكاتب وشغل عدل اذا تبي فوز غصب عن الخشوم اللي تجي دونه وجمهور عاشق رووح للشباب .

      على فكره على طاري البروست رئيس رابطتكم ماشفت وش كاتب بمنتدداكم وجبة غداء للي بيروح لمباراة الوحدة الماضية بس يعتذر ان الغداء مابيكون سليق ولافيه حبحب بعد الغداء ههههههههههههههههه.

      1. رغم اني نصراوي ولكن

        ياابو نوف انت شبشابي وش دخلك في منتديات الاهلي وجمهوره

        لهدرجه حاقدين على الكيان الاخضر اللي موريكم النجوم في عز الظهر وماسح بكرامتكم الارض

        وبعدين ترى نادي الشباشب عباره عن فريق اول وكرة قدم فقط

        الاهلي ياشاطر حقق بطولات هالعام فقط في مختلف الالعاب اكثر من بطولات الشباشب طوال تاريخه

        تحيه للاهلي ولجمهوره ولإدارته الواعيه واتمنى يجي يوم ويكون في النصر مثل هذه الاداره الراقيه ذات الحنكه والفكر الواعي

        وخلك في صحن البروست ياابو نوف انت وصاحبك عرين القطو تسابقوا على مين ياكل اكثر وخل البطولات لأهلها

  10. يارجال فكونا من هالأخبار اللي مثل سحابة صيف في كل عام , واللي تبحثون فيها عن مصالح انديتكم وزعزعة الأندية الأخرى ,,,

  11. اتوقع اللاعب المحترف يبحث عن البطولات ومنصات التتويج والمكافآت والانجازات

    والهلال والشباب والاتحاد هم طموح لأي لاعب مميز

  12. اذا انتقل اي احد منهم للشباب اتوقع نهايته .. نااادي غير معروف وبدون جمهور .. الجمهور وقود اللاعبين .

    اذا يبي تزداد شعبيته ويثبت نفسه عليه بالاهلي او النصر …

    اذا ماعنده مشكله من الرشاووووي وواسطات على كيفه وممكن يصير احسن لاعب بالعالم يروح فريق الدلال

  13. اتوقع منافسه بين النصر والاهلي فقط .. الشباب مايشجع فريق متواضع .. غير معروف الشمراني قالها اكثر من مره

  14. أنباء عن وجود ابوبلاطه في الدمام بالقرب من نادي الاتفاق
    لمحاوله نشل اولطش اللاعب يحيى الشهري

  15. هل تعتقدون ان الاتفاق صغير يااهلاويين ويانصرويين الاتفاق بالارقام صاحب القاعده الجماهييه الاولى في الشرقيه بالامنازع وصاحب الاولويات الفريده التي لم تحققها انديتكم وبعدين الشهري والحمد عقود
    هم باقيلها 3 سنوات وبعدين انتم ماقدرتو على فايز السبيعي بتقدرون على الشهري والحمد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى